رائونتي: 3 ڏينھن اڳ پرڻو ڪندڙ صحافي جي خاندان سان حادثو، ڪنوار سميت 8 ڄڻا اجل جو شڪار

صحافي حيدر مستوئي جي ڪنوار، امڙ، 2 ڀائرن سميت 8 ڄڻا اجل جو شڪار ٿي ويا

رائونتي: نجي ٽي وي چينل جي رپورٽر جي خاندان سان ھانءُ ڏاريندڙ حادثو، شادي جي ٽئين ڏينھن خاندان سميت ستاوڙي تي ويندڙ صحافي جي ڪنوار، امڙ، ٻن ڀائرن سميت 8 ڄڻا اجل جو شڪار، 2 زخمي، شادي جون خوشيون ماتم ۾ تبديل ٿي ويون،3 ڏينھن اڳ پرڻو ڪندڙ نجي ٽي وي چينل جي رپورٽر ۽ صحافي حيدر مستوئي ٻٻرلوءِ کان مريد شآخ ستاوڙي لاءِ وڃي رھيو ھو تھ موٽر وي تي سندن گاڏي حادثي جو شڪار ٿي وئي، حادثي جي نتيجي ۾ صحافي ۽ گھوٽ حيدر مستوئي جي ڪنوار 18ورھين جي سويرا، سندس امڙ حسنا، مامو سلطان احمد، ڀائر نظام الدين ۽ عزيز احمد، 20ورھين جي فرزانھ، 4ورھين جي جانل ۽ 3 ورھين جو شاھزيب اجل جو شڪار ٿي ويا، جڏھن تھ صحافي حيدر مستوئي ۽ 7 ورھين جي سميرا زخمي ٿي پيا، فوتين جا لاش اسپتال منتقل ڪيا ويا.