ميرپورخاص جي اپواء هاءِ اسڪول جي شاگردياڻي مئٽرڪ ۾ ٻي پوزيشن ماڻي ورتي

اريبا محمد رفيق ۽ ٻين ٽاپ پوزيشن کڻندڙ شاگردياڻين جي مان ۾ آجياڻو ڏنو ويو

ميرپورخاص ( بيورو رپوررٽ ) ميرپورخاص اپواء هاءِ اسڪول جي شاگردياڻي اريبا محمد رفيق ميٽرڪ جي امتحان ۾ ٻي پوزيشن حاصل ڪئي اسڪول انتظاميا پاران اريبا ۽ ٽاپ ٽين پوزيشن هولڊر شاگرياڻين جي اعزاز ۾ تقريب منعقد ڪئي وئي. تقريب ۾ ڊائريڪٽر اسڪول فيض احمد جسڪاڻي، ڊائريڪٽر عزير شورو، هيڊ ماستر اسڪول برنادت، ٽي اي او ميڊم شيلا، اسسٽنٽ ٽي اي او ميڊم رضيه سميت اسڪول جي ٻارن ۽ والدين وڏي انگ ۾ شرڪت ڪئي. ان موقعي تي ميرپورخاص تعليمي بورڊ جي ميٽرڪ جي امتحان ۾ ٻي پوزيشن حاصل ڪندڙ اريبا رفيق کي اعزاز سان نوازيو ويو.جڏھن ت ٽاپ ٽين لسٽ ۾ شامل ثمرين، ثنا، فاطمه، حنا، اسماء، آمنه، ھرا ناز ، ثنا شاهد اختر ۽ هرا اڪمل کي به اعزاز ڏنو ويو.ان موقعي تي ڊائريڪٽر ايجوڪيشن فيض جسڪاڻي خطاب ڪندي چيو ته خوش آهيون اسان جا ٻار تعليم ۾ اڳتي اچي رهيا آهن اپواء اسڪول سڄي ڊويزن ۾ نالو روشن ڪيو آهي اهو استادن جي محنت آهي.ميرپورخاص جي سرڪاري اسڪولن ۾ تعليم جو معيار بهتر هو هاڻي وڌيڪ بهتر ٿي رهيو آهي شهرين کي گهرجي ته هو پنهنجي ٻارن کي وڌ کان وڌ سرڪاري اسڪولن ۾ پڙهائن