گڏاپ: يوسي چيئرمين پاران ايڇ ڊي ايف پرائمري اسڪول ۾ درسي ڪتاب تقسيم

views | 12th Sep 2023 • سنڌي خبرون

يوسي شاھھ مريد جي چيئرمين شاھجھان خاصخيلي پاران سرڪاري ڪتاب ورھايا ويا

گڏاپ: يوسي چيئرمين پاران ايڇ ڊي ايف پرائمري اسڪول ۾ درسي ڪتاب تقسيم

گڏاپ (رپورٽر )گڏاپ يوسي شاھ مريد جي چيئرمين شاھجان خاصخيلي ايڇ ڊي ايف پرائمري اسڪول ۾ تعليم کاتي حڪومت سنڌ جي طرفان ڏنل ڪتاب تقسيم ڪيا. تفصيل موجب گڏاپ جي علائقي خير محمد بروھي ڳوٺ ايڇ ڊي ايف پرائمري اسڪول جي شاگردن ۾ يوسي شاھ مريد جي چيئرمين شاھجان خاصخيلي. معززين محبوب علي جوکيو. مولا بخش بروھي ۽ ٻين سنڌ حڪومت طرفان مليل ڪتاب. پينسلون ٻارڙن ۾ تقسيم ڪيون. ان موقعي تي صحافين سان ڳالهائيندي شاھجان خاصخيلي چيو ته يوسي شاھ مريد ۾ بند پيل اسڪول کولرايا ويا آهن. ھر اسڪول ۾ پھچي وزٽ ڪري استادن کي مقرر ڪرائڻ ۽ اسڪول ۾ سھولتون مھيا ڪرڻ لاء ڪوششون ڪري رھيا آھيون. ھن وقت ڪتاب مھانگا ٿي ويا آهن جيڪي ھر ھڪ ماڻهو جي وٺڻ کان چوٽ چڙھيل آهن جنهن سبب اڪثر ٻھراڙين ۾ مسڪين ماڻهو پنهنجي ٻارن کي تعليم ڏياري نٿا سگھن. يوسي شاھ مريد جي اسڪولن ۾ تعليم کي عام ڪيو ويندو ۽ ھر هڪ ٻار کي تعليم جي روشني سان جرڪايو ويندو، سرڪاري اسڪولن ۾ ٻارن جي وڌ ۾ وڌ داخلا ڪرائڻ لاء مهم هلائي رھيا آھيون. استادن سان گڏ والدين جي به ذميواري آھي ته ٻارن کي بهتر تعليم سان گڏ بهترتربيت به ڪن ۽ وڌ کان وڌ سرڪاري اسڪولن ۾ پنھنجي ٻارڙن کي تعليم ڏيارڻ جي ڪوشش ڪن. جيئن ٻار تعليم ذريعي پنهنجي ملڪ جو نالو روشن ڪري سگهن. ھن چيو ته سنڌ گورنمنٽ ۽ EDO ايجوڪيشن ملير. ٽي او گڏاپ جا ٿوارائتا آھيون جن گڏاپ جي شاھ مريد يوسي جي اسڪولن ۾ معصوم ٻارن کي مفت ڪتاب ڏئي سندن چھرن تي خوشي آندي آهي.