اي سي ٺٽي پاران دوري دوران عام واھپي جي شين جي اگھن بابت ڄاڻ ورتي وئي
ٺٽو( محمد شفيق ڀٽي) اسسٽنٽ ڪمشنر ٺٽو پاران ٺٽو شهر ۽ مڪلي جي مارڪيٽن جو اوچتو دورو ، روزانو جي بنياد تي استعمال ٿيندڙ شين جي قيمتن جو جائزو - ڊپٽي ڪمشنر ٺٽو اسد خان جي ھدايت تي اسسٽنٽ ڪمشنر ٺٽو محمد خان ڀنگورا ٺٽو شهر ۽ مڪلي جي مختلف علائقن جي مارڪيٽن ۽ دڪانن جو دورو ڪيو - ھن ناجائز منافع خورن کي سختي سان ھدايت ڪندي چيو ته اھڙا عناصر پنهنجو قبلو درست ڪن نه ته انتظاميه کان ڪنهن به قسم جي رعايت جي اميد نه رکن ، عوام جي خدمت اسان جي اولين ذميواري آهي جنهن کي بنا ڪنهن رنگ نسل جي ھر صورت م نڀائيندا سين - ھن چيو ته ناجائز منافع خوري ، ذخيره اندوزي ۽ اگھن جي لسٽ نمايان جڳھ تي نه لڳائڻ جي صورت م ڳرا ڏنڍ لڳائڻ سميت گرفتاري پڻ عمل ۾ آڻي سگهجي ٿي - ان موقعي تي ھن ميڊيا سان ڳالهائيندي چيو ته ضلعي انتظاميه پاران روزاني جي بنياد تي کير ، ڏھي ، مرغي ، گوشت ، مڇي ، فروٽ ۽ سبزين سميت ٻين شين جي قيمتن تي قابو رکڻ لاءِ نگراني ڪئي پئي وڃي ته جيئن مقرر ڪيل اگھن تي عوام کي شيون فراهم ٿي سگهن - ھن چيو ته ڪنهن کي به قانون جي خلاف ورزي ڪرڻ جي اجازت نه ڏني ويندي ۽ شھرين کي رليف ڏيڻ لاءِ ھر ممڪن قدم کنيا ويندا
0 تبصرے