ساگر کمار کو سلیم جان اور احسان مزاری نے حراست میں لے رکھا ہے
کراچی (ویب ڈیسک) کشمور سے اغوا ہونے والے ساگر کمار کو ڈاکو سے بازیاب کروانے کے بعد سلیم جان اور احسان مزاری نے حراست میں لے رکھا ہے۔ ایسا دعویٰ امریکا میں مقیم صحافی امتیاز چانڈیو نے کیا ہے۔ امتیاز چانڈیو نے اپنے ٹوئٹر اکاؤنٹ پر ایک آڈیو لیک کی ہے جس میں انہوں نے کیپشن میں لکھا ہے کہ کشمور کا یرغمال ساگر کمار ڈاکوؤں سے بازياب ھونے کے بعد سلیم جان اور احسان مزاری کی تحویل میں ہے جو انہیں رہا نہیں کر رہے۔ اب مزاری سرداروں نے اپنے تمام لوگوں کو لائسنس یافتہ اور بغیر لائسنس کے اسلحے کے ساتھ فوری پہنچنے کا حکم دیا ہے، اب یہ نیا ڈرامہ رچایا جا رہا ہے۔ ملک کے ادارے اور پولیس خاموش ہے۔ امتیاز چانڈیو نے اپنی پوسٹ میں ایک آڈیو بھی لیک کی ہے جس میں ایک نامعلوم شخص لائسنس یافتہ اور غیر قانونی اسلحہ کے ساتھ مزاری برادری کے لوگوں کو مزاری سردار کا حکم سنا رہا ہے۔
0 تبصرے