سجاول ۾ هندو پنچائت پاران مغوين جي بازيابي لاءِ احتجاجي ريلي ۽ ڌرڻو

سنڌ جي مختلف علائقن مان اغوا ٿيل ٻارڙن عورتن سميت سمورن مغوين کي بازياب ڪرايو وڃي: اڳواڻ

سجاول (گلشيرميربحر) ڪشمور ۾ مغوين جي بازيابي لاءِ سڄي سنڌ سراپا احتجاج بڻيل سجاول ۾ به هندو پنچائت سجاول پاران احتجاجي ريلي ڪڍي مظاهرو ڪيو ويو، سجاول ۾ به هندو پنچائت سجاول پاران ريلي ڪڍي وئي، ريلي مختلف تنظمين جي سياسي سماجي اڳواڻن هندو پنچائت جو صدر ڊاڪٽر هوت چند، عوامي تحريڪ اڳواڻ حسين آزاد، ڊاڪٽر شام ڪمار، ڊاڪٽر نارائڻ داس، مادوداس، ايس ٽي پي اڳواڻ گل حسن رند،، جي يو آئي اڳواڻ مولوي اشرف ميمڻ هميرچارڻ، دادا سنڌي، نثار ميمڻ،سلطان کوسو سميت سول سوسائٽي ۽ هندو برادري جي ماڻھن وڏي تعداد ۾ شرڪت ڪئي، ريلي شو مندر کان شهر جي مک بازار مان ٿيندي پبلڪ پارڪ پهتي جتي مظاهري کي خطاب ڪندي مختلف تنظيمن جي اڳواڻن چيو ته ڪشمور ۾ مغوين جي بازيابي لاءِ 48 ڪلاڪن کان پرامن ڌرڻو هڻي ويٺلن تي پوليس چڙهائي برداشت نه ڪئي ويندي. اسان ايس ايس پي ڪشمور کي ٻڌائڻ ٿا چاهيون ته سنڌي هندو سنڌ جا وارث ۽ اسان جا ڀائر آهن. انهن خلاف ڪا به سازش برداشت نه ڪنداسين. اسان سجاول واسي ڪشمور ڀائرن سان هر معاذ تي گڏ آهيون، هنن مطالبو ڪندي چيو ته پريا ڪماري ۽ ٻين مغوين کي بازياب ڪرايا وڃن ۽ ڌاڙيل ڪلچر کي ختم ڪيووڃي.