خانپور مھر ويجھو مھر ڌرين ۾ پراڻي تڪرار تان 2 ڀائر مارجي ويا

218 views | 10th Sep 2023 • سنڌي خبرون

ڳوٺ حمل فقير مهر ۾ فائرنگ جي نتيجي ۾ اميد علي ۽ علي گل مهر مارجي ويا

خانپورمهر(رپورٽر) خانپورمهر ويجهو شاهپورمهر واري علائقي ۾ مهر برادري جي ٻن ڌرين ۾ پراڻي تڪرار تان 2 ڀائر قتل، ڳوٺ حمل فقير مهر ۾ فائرنگ دوران اميد علي ۽ علي گل مهر مارجي ويا اطلاع ملڻ تي شاھپور مھر چوڪي جي پوليس واقعي واري هنڌ پهتي پر اهلڪارن کي ويجهو نه اچڻ ڏنو ويو ذريعن جو چوڻ آھي تھ پوليس جي وڌيڪ نفري طلب ڪئي وئي آهي، لاش واقعي واري هنڌ پيل آهن، ٿاڻي جي وڏي منشي يار محمد ابڙو موجب مرد نه هجڻ ڪري عورتون لاش کڻڻ نٿيون ڏين عورتن جو چوڻ آهي ته وارث اچن ته ان کانپوءِ لاش پوسٽ مارٽم لاءِ کڻائي وڃو، واضع رهي ته 1998 کان راڻو ۽ راوت واري ڌري ۾ پاڻي جي واري تان تڪرار شروع ٿيو جنهن ۾ 4 ڄڻا قتل ٿي چڪا آهن