ڪينجھر جي رھواسين جو بااثرن جي مبينا زيادتين خلاف احتجاجي مظاھرو

منور ترڪ، اسماعيل ترڪ، علي نواز ترڪ، مظفر ترڪ پاران احتجاج ڪيو ويو

ٺٽو( شفيق ڀٽي) ڪينجھر جي رھواسي ترڪ برادري جو بااثر ماڻھن جي زيادتين خلاف احتجاج، انصاف جو مطالبو، ان سلسلي ۾ ڪينجھر ھيلايا لڳ ڳوٺ محمد ترڪ جي ڪيترن ئي متاثر رھواسين منور ترڪ، اسماعيل ترڪ، علي نواز ترڪ، مظفر ترڪ ٺٽي ۾ صحافين اڳيان دانھيندي چيو اھي تہ اسان 10 مھينا اڳ پنھنجي زرعي 85 ايڪڙ زمين پنھنجي مرضي سان چوڌري اشرف کي مقادعي تي ڏني اھي، پر اسانجي برادري جي ڪجھ بااثر ماڻھن جن ۾ افضل ترڪ، عرفان ترڪ، ڪالو ترڪ، اعظم ترڪ، غلام حيدر ترڪ، ظھور ترڪ، ظفر ترڪ ۽ ٻيا شامل آھن، جن اسانجي ڏنل مقادعي واري زمين کي نقصان پھچائڻ توڙي ان ۾ بيٺل فصل کي طاقت جي زور تي مال کان ڀيلاڙ ڪرائي نقصان پھچائي مقادعيدار کان ڀتي ڏيڻ جي بہ گھر پيا ڪن، نہ ڏيڻ تي ان جو نقصان ڪري ھاڻي مقادعيدار جي منشي چوڪيدار عبدالله ناھيو پاران فصلن کي پھچندڙ نقصان کان بچائڻ لاء مذڪورہ ماڻھن کي روڪيو تہ ھنن عبدالله ناھيو مٿان حملو ڪري کيس سخت زخمي ڪري سندس کيسي ۾ پيل 50 ھزار روپيہ ڪيش رقم ۽ اوطاق ۾ پاليل ھڪ ڪارو قيمتي تتر بہ کڻي ويا آھن، جڏھن تہ زخمي عبدالله ناھيو ھن وقت حيدراباد اسپتال ۾ علاج ھيٺ اھي، ھنن چيو تہ ٿيل حملي جو ڪيس ڪينجھر ٿاڻي تي مذڪورہ حملي آورن مٿان داخل ڪرائڻ باوجود اڃان تائين ڪينجھر پوليس حملي اور جوابدارن کي گرفتار ڪري ناھي سگھي، جيڪي کين ۽ مقاعديدار کي وڌيڪ نقصان جون ڌمڪيون ڏيئي رھيا اھن، جن مان کين جاني مالي نقصان جو پڻ انديشو اھي، ھنن چيو تہ ساڻن توڙي سندن مقاعديدار چوڌري اشرف سان ٿيل ناانصافين توڙي کيس پھتل نقصان جون علائقي جي معززين کي بہ دانھون ڏنيون اھن، پر انھن خلاف ڪير بہ ڪاروائي ڪرڻ لاء تيار ناھي. ھنن آء جي سنڌ، ڊي اء جي حيدرآباد، ايس ايس ٺٽو سميت سمورن وس وارن کان مطالبو ڪيو تہ ساڻن انصاف ڪري کين تحفظ ڏيڻ سان گڏ سندن زمين جي مقاعديدار کي پھتل نقصان جو ازالو ڪرائي ان جي زخمي چوڪيدار جو علاج ڪرائي ان تي حملو ڪري فصلن کي نقصان پھچائيندڙ سمورن حملي اور جوابدارن کي گرفتار ڪري کين سخت سزائون ڏنيون وڃن.