خانپور: رستم ٿاڻي جي حد ۾ 35 کان وڌيڪ جانيون ڳڙڪائيندڙ خوني تڪرار وڌيڪ 2 حياتيون کسي ورتيون

190 views | 07th Sep 2023 • سنڌي خبرون

ڪمالاڻي ۽ عطراڻين جتوئين جي ھڪٻئي تي فائرنگ، 2 ڄڻا مارجي ويا، ھڪ زخمي ٿي پيو

خانپور (رپورٽر) رستم ٿاڻي جي حد ۾ پراڻي ڪارنھن جي پراڻي تڪرار تان ڪمالاڻي ۽ عطراڻي جتوئين جي ٻن ڌرين ۾جھيڙو، ھڪٻئي مٿان جديد ھٿيارن سان فائرنگ ڪري ڏني فائرنگ ۾ عطراڻي جتوئين جي ڌر جا 2 ڳڀرو نوجوان علي بخش پٽ متيرو جتوئي ۽ بچايو پٽ پتاشو جتوئي قتل ٿي ويا ۽ ڪمالاڻي جتوئي ڌر جو ھڪ ڄڻو شبير ڪمالاڻي جتوئي شديد زخمي ٿي پيو ، ڌرين ۾ ڪيتري دير تائين فائرنگ ھلندي رھي اطلاع تي حد جي رستم پوليس واقعي واري ھنڌ پھچي مقتولن جا لاش کڻائي خانپور اسپتال آندا جتان پوسٽ مارٽم بعد لاش وارثن حوالي ڪيا ويا آھن ، پوليس جو چوڻ آھي ته ڌرين ۾ ڪارنھن جو پراڻو تڪرار ھلندڙ آھي ٻنھي ڌرين جا 35 کان وڌيڪ عورتن ٻارڙن سميت قتل ٿي چڪا آھن.