ٿرپارڪر جي وڪيل برادري جي سڏ تي سنڌ ۾ بدامني خلاف ۽ مغوين جي بازيابي لاءِ ڌرڻو

سنڌ ۾ ڌاڙيلن ماڻھن جو جيئڻ جنجال ڪري ڇڏيو آھي روزاني ڪيترائي ماڻھو اغوا ٿين ٿا: اڳواڻ

مٺي (جي آر جوڻيجو) ٿرپارڪر جي وڪيل برادري جي سڏ تي سنڌ ۾ بدامني ڌاڙيل هٿان شھرين جي اغوا خلاف احتجاجي مظاهرو ڪري ڪشمير چوڪ مٺي تي بار جي صدر مصطفيٰ هنڱورجو جي قيادت ۾ احتجاجي ڌرڻو هنيو ويو جنهن ۾ مختلف سياسي سماجي اڳواڻن نندلال مالهي، ميرمحمد بليدي، اوڀايو جوڻيجو، وڪيل ڪنور امر، گهنشام مالهي، سبحان سميجو ، ارباب رضوان ، شام سندر ، ڪلديپ پارواڻي ، قربان سميجو، راء سنگهه سوڍو ، اڪبر درس، سنجئه مالهي، برڪت بجير سميت وڏي انگ ۾ شهرين واپارين وڪيلن شرڪت ڪري سنڌ ۾ وڌندڙ بدامني ۽ اغواڪاري خلاف سخت نعريبازي ڪئي. انهي موقعي تي ڳالهائيندي اڳواڻن چيو ته سنڌ ۾ ڌاڙيلن ماڻھن جو جيئڻ جنجال ڪري ڇڏيو آھي روزاني ڪيترائي ماڻھو اغوا ٿين ٿا پر سنڌ پوليس انهن خلاف موثر ڪاروائي ڪرڻ جي لاءِ تيار ناهي معصوم ٻارن سميت ڪيترائي شھري اڄ به ڌاڙيلن وٽ قيد ۾ آھن هنن چيو ته سنڌ جا سردار ۽ وڏيرا ڌاڙيلن جا ساٿاري آھن جيڪي انهن جو بچاءُ ڪري رهيا آھن جنهن سبب ڪا به ڪاروائي نه ٿي سگهي آھي سڄي سنڌ سراپا احتجاج بنيل آھن هنن مطالبو ڪيو ته پاڪ آرمي سميت قانون لاڳو ڪندڙ ادارا ۽ نگران حڪومت فوري طور تي ڌاڙيلن خلاف ڪاروائي ڪري.