ٽالهي ويجهو ڳوٺ ڀائي خان گرگيز جي بوائز پرائمري اسڪول جي عمارت ٻن ورهين کان زبون حال

نصير خان چانڊيو پرائمري اسڪول جا 137 کان وڌيڪ معصوم ٻارڙا وڻ هيٺان ويهي تعليم پرائڻ لڳا

ٽالهي (رپورٽر) ٽالهي ۾ تعليم کاتي جا هيڻا حال ڳوٺ ڀائي خان گرگيز جي گورنمينٽ بوائز پرائمري اسڪول نصير خان چانڊيو گذريل ٻن سالن کان زبون حالي جو شڪار 137 کان وڌيڪ معصوم ٻارڙا ٻاهر وڻ هيٺ ويهي تعليم پرائڻ لڳا ضلعي انتظاميا جي بي ڌياني سبب سوين ٻارڙا معياري تعليم حاصل ڪرڻ کان رهجي ويا نوٽيس وٺي اسڪول جي بلڊنگ نئي سر تعمير ڪرائي فرنيچر مهيا ڪيو وڃي،،، استاد شاگرد خبر موجب ٽالهي ويجهو ڳوٺ ڀائي خان گرگيز جي گورنمينٽ بوائز پرائمري اسڪول نصير خان چانڊيو گذريل ٻن سالن کان زبون حالي جو شڪار معصوم ٻارڙا هن نهٽڻ اس ۾ وڻ هيٺ ويهي تعليم پرائڻ لڳا انهي احوالي سان استادن توڙي شاگردن ميڊيا اڳيان دائهيندي چيو ته گورنمينٽ پرائمري بوائز اسڪول نصير چانڊيو جي بلڊنگ جيڪا گذريل ٻن سالن کان زبون حالي جو شڪار ٿي وئي آهي ۽ سوين معصوم ٻارڙا هن نهٽڻ اس ۾ وڻ هيٺ ويهي تعليم پرائڻ تي مجبور بڻيل آهن هنن جو وڌيڪ چوڻ هو ته هي اسڪول 1971 ع ۾ قائم ڪيو ويو 1992ع ۾ هن اسڪول جي عمارت قائم ڪئي وئي جنهن کي 31 سال گذري ويا آهن پر هن مهل تائين هن عمارت جو تعميراتي ڪم ناهي ڪرايو ويو اسڪول زبون ٿيڻ ڪري چاپڙ ڪرڻ روز جو معمول بڻيل آهن جنهن سبب معصوم ٻارڙن ۾ خوف واري صورتحال پيدا ٿي وڃي انهي خوف سبب گذريل ٻن سالن کان گرمي سردي مينهن برساتن ۾ هن ٻٻر جي وڻ هيٺان ٻارڙن کي تعليم ڏئي رهيا آهيون ڊي اي او عمرڪوٽ ٽي اي او سميت لاڳاپيل اختيارين کي لکت ۾ شڪايتون ڪيون آهن پر هن وقت تائين ڪو عمل درآمد ناهي ٿي سگهيو هنن تعليم کاتي سميت لاڳاپيل اختيارين کان مطالبو ڪندي گهر ڪئي ته نوٽيس وٺي اسڪول جي بلڊنگ نئي سر تعمير ڪرائي فرنيچر مهيا ڪيو وڃي ته جيئن معصوم ٻارڙا معياري تعليم حاصل ڪري سگهن