ملڪ معاشي بحران ۾ آهي، ڪنهن به ملازم جي پگهار 2 لک روپين کان وڌيڪ نہ هجي: اياز لطيف پليجو

هزار سي سي کان وڌيڪ گاڏين تي پابندي لڳائي وڃي، انتهاپسندي ۽ ڪرپشن جڙ مان ختم ڪئي وڃي

حيدرآباد(بيورو) قومي عوامي تحريڪ جي سربراھ اياز لطيف پليجي آهي تہ ملڪ معاشي بحران ۾ آهي هنگامي قدم کنيا وڃن ڪنهن بہ ملازم جي پگهار 2 لک روپين کان وڌيڪ نہ هجي، شهرن ۽ ڳوٺن ۾ سولر قرض ڏنو وڃي۔ اياز لطيف پليجي پاڙيسري ملڪن سان ٽڪراءُ بجاءِ تجارت ڪئي وڃي، وڏن گهرن، وڏين دڪانن، وڏين گاڏين جي مالڪن کان ٽئڪس وٺو. 20 ايڪڙ کان وڌيڪ زمين جي مالڪن کي ٽئڪس نيٽ ۾ آندو وڃي، سمورن ڪرپٽ آفيسرن ۽ سياستدانن کي گرفتار ڪيو وڃي. اياز لطيف پليجي چيو تہ هزار سي سي کان وڌيڪ گاڏين تي پابندي لڳائي وڃي، انتهاپسندي ۽ ڪرپشن جڙ مان ختم ڪئي وڃي نگران حڪومت کي عوام جو ڪو فڪر نہ آهي، غلط معاشي پاليسي ۽ آئي ايم ايف جي ڊڪٽيشن تي ھلڻ جي سزا ملڪ جو عوام ڀوڳي رھيو آھي. حڪمرانن وٽ ڪا بہ عوام دوست معاشي پاليسي ناھي. موجوده نگران حڪومت بہ عوام لاء ماضي جي حڪومتن جو تسلسل ثابت ٿي آھي۔ اياز لطيف پليجي چيو تہ عالمي سامراجي طاقتون نٿيون چاھين تہ پاڪستان جون خودمختيار پاليسيون ھجن ۽ اھو معاشي طور مستحڪم ھجي ۽ ترقي طرف وڌي سگھي، ان ڪري انھن سازشن کي شڪست ڏيڻ لاءِ ملڪ ۾ اتحاد جي ضرورت آھي، خودمختيار معاشي پاليسيون جوڙڻ جي ضرورت آھي، صوبن کي پنھنجن وسيلن تي اختيار ڏئي انھن کي وڌيڪ ترقي يافتا بنائڻ جي ضرورت آھي.اياز لطيف پليجي چيو تہ عالمي ليول، ملڪي ۽ سنڌ جي بدلجندڙ حالتن ۾ پاڻ کي تيزيءَ سان تبديل ۽ بھتر ڪيو، جيڪو جدت، دانائي ۽ تبديلي قبول نہ ڪندو، فنا ٿي ويندو، نوان علم، نوان ھنر، نوان فن سکو.. پِٽڪو ڪرڻ، مھم جوئي ڪرڻ، عارضي ڊرامائي اعلان ڪرڻ سان ڪجھ نہ ورندو، مستقل مزاجي سان ڊگھي ۽ اڻورچ جدوجھد ڪرڻي پوندي. سنڌيو،نوجوانو، خوف، مايوسي، دلشڪستگي، منافقي ۽ مصلحت جون ديوارون ٽوڙي ڇڏيو.