گڏاپ: سچل ڳوٺ ويجهو رٽائرڊ آفيسر جو پلاٽ جعلي فائيل ذريعي وڪرو ڪرڻ جو انڪشاف

views | 30th Aug 2023 • سنڌي خبرون

پي سي ايس آء آر ايمپلائيز ڪو آپريٽو ھائوسنگ سوسائٽي ۾ پلاٽ خريد ڪيو هو: خادم حسين تنيو

گڏاپ: سچل ڳوٺ ويجهو رٽائرڊ آفيسر جو پلاٽ جعلي فائيل ذريعي وڪرو ڪرڻ جو انڪشاف

گڏاپ (رپورٽر) ڪراچي سچل ڳوٺ ڀرسان پي سي ايس آء آر ايمپلائيز ڪو آپريٽو ھائوسنگ سوسائٽي جي ايڊمنسٽريٽر الطاف سولنگي رٽائرڊ پيرسن ملازم جو پلاٽ جعلي فائيل ٺاھي بااثر لينڊ مافيا وحيد عباسي جي حوالي ڪري ڇڏيو پيرسن جي پلاٽ قبضو متاثر پيرسن جون صحافين آڏو دانھون تدارڪ جي اپيل سوسائٽي جي انچارج ايڊمنسٽريٽر تي سوسائٽي اندر ڪيترن ئي پلاٽن جا جعلي فائيل ٺاھي قبضا مافيا جي ماڻھن کي ڏئي ڪري ڪروڙين روپيا ڪمائڻ لڳو خبرموجب ڪراچي سچل ڳوٺ ڀرسان پي سي ايس آء آر ايمپلائيز ڪو آپريٽو ھائوسنگ سوسائٽي جي انچارج ايڊمنسٽريٽر الطاف سولنگي سوسائٽي اندر رٽائرڊ ملازم پيرسن خاد حسين تنيو جي ورتل پلاٽ جو جعلي فائيل ٺاھي لکين روپيا رشوت وٺڻ عيوض بااثر قبضا مافيا وحيد عباسي جي حوالي ڪري ڇڏيو جنھن جعلي فائيل ملڻ بعد رٽائرڊ پيرسن ملازم خادم حسين تنيو جي پلاٽ ھٿياربند ماڻھو ويھاري قبضو ڪري ڇڏيو آھي ان سلسلي ۾ متاثر پيرسن خادم حسين تنيو صحافين آڏو دانھيندي چيو تـ پي سي ايس آء آر ايمپلائيز ڪو آپريٽو ھائوسنگ سوسائٽي ۾ پلاٽ نمبر A 20 آھي جنھن جو سوسائٽي جي ڪرپٽ انچارج ايڊمنسٽريٽر الطاف سولنگي ڊپليڪيٽ فائيل ٺاھي لکين روپيا رشوت وٺڻ عيوض بااثر قبضا مافيا وحيد عباسي جي نالي تي ڪري ڇڏيو آھي جنھن ڄاڻايل پلاٽ تي پنھنجا ھٿياربند ماڻھو ويھاري ڇڏيا آھن جنھن جي خلاف سچل ٿاڻي جي ايس ايڇ او زاھد لغاري پڻ لکت ۾ درخواست ڪئي آھي مگر اھو پڻ بااثر قبضا مافيا وحيد عباسي ۽ ايڊمنسٽريٽر الطاف سولنگي سان ٻٽ ھجڻ سبب ڪا بـ ڪارروائي ڪرڻ جي لاء تيار نـ آھي ھن وڌيڪ چيو تـ پي سي ايس آء آر ڪو آپريٽو ھائوسنگ سوسائٽي جو انچارج ايڊمنسٽريٽر الطاف سولنگي سوسائٽي اندر مختلف پلاٽن جا جعلي فائيل ٺاھي قبضا مافيا جي ماڻھن کي وڪرو ڪري ڪروڙين روپين جي ڪرپشن ڪري رھيو آھي جڏھن تـ مختلف پلاٽن جا ڊپليڪيٽ فائيل ھجڻ سبب سوسائٽي اندر جھيڙا پڻ معمول بڻجي ويا آھن ھن چيو تـ ڪرپٽ نااھل انچارج ايڊمنسٽريٽر الطاف سولنگي کي ھٽائي منھنجي پلاٽ تي قبضو ڪندڙ وحيد عباسي خلاف ڪارروائي ڪري مون سان انصاف ڪيو وڃي