ڏوڪري جي سينئر صحافي محمد رمضان جوڻيجو جي وڇوڙي تعزيتي ميڙاڪو منعقد

تعزيتي ميڙاڪي ۾ منظور ميراڻي، اقرار پيرزادو، اسد ٻگھيو، عبدالجبار ميمڻ ۽ ٻين صحافين پاران شرڪت

ڏوڪري (رپورٽر) ڏوڪري جي سينئر صحافي محمد رمضان جوڻيجو جي وڇوڙي تي ڏوڪري پريس ڪلب طرفان تعزيتي ميڙاڪو، وڏي انگ ۾ قلم ڌڻين جي شرڪت، ڀرپور نموني ڀيٽا پيش، محمد رمضان جوڻيجو جي صحافتي خدمتن کي هميشه ياد رکيو ويندو، منظور ميراڻي، اقرار پيرزادو، اسد ٻگهيو ۽ ٻين جو خطاب. تفصيل موجب ڏوڪري جي سينئر صحافي محمد رمضان جوڻيجو جي وڇوڙي تي ڏوڪري پريس ڪلب پاران هڪ تعزيتي ميڙاڪو ڪوٺايو ويو جنهن جي صدارت سينئر صحافي منظور ميراڻي ڪئي جڏهن ته اعزازي مهمانن ۾ سنڌ صحافي اتحاد جو مرڪزي اڳواڻ ۽ ڏوڪري پريس ڪلب جو قائم مقام صدر اسد ٻگهيو، ليکڪ اديب اقرار پيرزادو،سينئر صحافي فدا حسين ابڙو، عبدالجبار ميمڻ، وحيد جوڻيجو ۽ ٻيا شامل هئا جڏهن ته تعزيتي ميڙاڪي جي تقريب ۾ قاضي آفتاب احمد، اطهر سنديلو، ياسر منگي، قاضي فريد احمد، علي اصغر ميمڻ، ديدار سومرو،حسن جوڻيجو، جي ايم جهتيال،صدام ٻگهيو، نديم ميمڻ،مقبول ڪانڌڙو، وحيد ڳاهو،امداد ٻگهيو، قاضي سهيل احمد،عرفان موريو، عبدالحڪيم ابڙو، معشوق ڏيرو، اطهر ميمڻ، جبران منگي، واجد جوڻيجو، ساجد جوڻيجو، تاج محمد، مهراڻ جوڻيجو، زمان سولنگي، شهاب الدين جتوئي،نور احمد خاصخيلي، عبدالقيوم جوڻيجو، منظور علي ماڇي ۽ ٻين شرڪت ڪئي، ان موقعي تي مقررن خطاب ڪندي چيو ته محمد رمضان جوڻيجو صحافت ۾ پاڻ کي سچي ۽ کري قلمڪار طور مڃرايو، هو ڏوڪريءَ تعلقي جو هڪ متحرڪ ڪردار هيو جنهن نه رڳو صحافتي محاذ پر سياسي ۽ سماجي حوالي سان پڻ ڏوڪري شهر ۽ شهرين لاءِ جاکوڙيو پنهنجي ان کري طبيعت سبب کيس ڪيترائي ڀيرا اذيتون ڀوڳڻيون پيون ۽ مٿس قاتلاڻا حملا ٿيا پر سندس ڪرت ۾ ڦيرو نه آيو، نه رڳو ايترو پر کيس جيل ياترائون ڪرايون ويون جڏهن ته هڪ ڀيرو قاتلاڻي حملي ۾ کيس مٿي ۾ ڪهاڙي هڻي مارڻ جي ڪوشش ڪئي وئي، جنهن ڪري ڪيترو ئي عرصو ڳڻتيءَ جوڳي حالت ۾ اسپتال ۾ علاج هيٺ رهيو ۽ ٻئي ڀيري کيس ڏوڪري پريس ڪلب ۾ گهري مارڻ جي ڪوشش ڪئي وئي، پر جسماني سزائون سندس سوچ کي بدلائي نه سگهيون،تعزيتي ميڙاڪي کان بعد خيرات جي ماني تقسيم ڪئي وئي.