نوشھروفيروز ۾ ميونسپل ڪاميٽي جي ملازمن پاران احتجاجي مظاھرو

ٽائون آفيسر ڪوڙا بل ٺاھي ڪروڙين روپيا ھڙپ ڪري رھيا آھن، جاچ ڪرائي وڃي: مطالبو

نوشھروفيروز(ڊ ر) ميونسپل ڪاميٽي جي ملازمن نويد عبدالله شيخ۔ ساجد تڳر ۽ ٻين ميونسپل آفيسر وليد احمد شورو۔ اڪائونٽنٽ شيراز شيخ۔ ڪلارڪ اصغر چنا جي رشوت خوري ۽ ناجائزين خلاف ميونسپل آفيس اڳيان احتجاج ڪندي ٻڌايو ته اسان ايمانداري سان پنهنجي ڊيوٽي ڪندا آھيون۔ جڏهن ته صفائي لاء استعمال ٿيندڙ ٻهارا۔ لڪڙا۔ ڪوڏر۔ ٽراليون به اسان پنهنجي پگهار کان وٺندا آھيون سرڪار طرفان صفائي لاء ايندڙ ڪروڙين رپين جي بجيٽ ميونسپل آفيسر۔ اڪائونٽنٽ شيراز شيخ۔ ڪلارڪ اصغر چنا ڪوڙا بل ٺاهي هضم ڪري رهيا آھن۔ هنن چيو ته صفائي ڪندڙ سوين ملازمن کي ويزا تي ڇڏيو ويو آھي جنهن مان 8 کان 10 هزار رپيا ماهوار ورتا وڃن ٿا ۽ هاڻي ڪرپٽ عملو اسان کي به ويزا تي وڃڻ لاء پريشان ڪري رهيو آھي ۽ اسان کي صفائي وارو سامان به نه پيو ڏنو وڃي۔ نويد شيخ جو وڌيڪ چوڻ هو ته مان وارڊ نمبر 8 ۾ پنهنجي ڊيوٽي ڪندو آھيان جڏھن ته صفائي واري سامان تي پنهنجو ذاتي خرچ ڪندو آھيان۔ گٽرن جي گندي پاڻي ۾ لهڻ ڪري منهنجي چھري ۽ جسم تي الرجي جا نشان ٿي پيا آھن جنهن جو علاج ڪرائڻ لاء به ٽائيم نه ٿو ملي ۽ موڪل واري ڏينهن به ڪم ڪندو آھيان ان باوجود مون کي ڌمڪيون ڏين ٿا ته ڊيوٽي نه ڪر هر مهيني 8 هزار ڏي نه ته تنهنجي بدلي ڪرائي ڇڏينداسين مان مسڪين غريب آھيان ننڊا ننڊا ٻچا آھن مون کي مجبور ڪيو پيو وڃي اعلي اختاريون نوٽيس وٺي ملازمن سان زيادتيون ڪندڙ ۽ صفائي جي مد ۾ ايندڙ بجيٽ ڪرپشن جي نظر ڪندڙ انتظاميه خلاف ڪارروائي ڪئي وڃي۔