ڪراچي جي گلستان جوھر واري علائقي ۾ جشن آزادي جي حوالي سان سيمينار منعقد

شيخ ايجوڪيشن ڪنسلٽنٽ جي ڊائريڪٽر زبير احمد شيخ، ڊاڪٽر طوبہ ۽ تابش شيخ پاران سيمينار منعقد ڪيو ويو

گڏاپ (رپورٽر)ڪراچي. شیخ ايجوڪيشن ڪنسلٽنٽ جي ڊائريڪٽر زبير احمد شيخ. ڊاڪٽر طوبہ ۽ ڊائريڪٽر تابش شيخ پاران جشن آزادي جي حوالي سان شاندار سيمينار گلستان جوھر جي ھڪ ھال ۾ منعقد ڪيو ويو. جنھن ۾ مھمان خصوصي الما يونيورسٽي جو وائيس چانسلر ڊاڪٽر منصورظفر دائود. وائيس چيئرمين اکاسک ايڊميشن سينٽر فار ايڊوانس اسٽينڊر چين ڊاڪٽر گلنار نوردان ھازي. ڊائريڪٽر انسٽيٽيوٽ آف بزنس ايڊمنسٽريشن آئي بي اي ڊاڪٽر شاھد. ڊائريڪٽر ڪيو اي سي ملينم انسٽيٽيوٽ آف ٽيڪنالاجيءَ ۽ انٽرپرينيور شپ ايم آئي اي ڊاڪٽر وحيد الدين حيدر. سينئر قونصليٽ آسپڪ انٽرنيشنل ڪراچي آفرين حيدر. اي ايم ايس انچارج برن سينٽر ڊاڪٽر يان زين پنگ ھئا. سيمينار جي آغاز ۾ معصوم ٻارڙن مختلف ٽيبلوز پيش ڪيا. تقريب کي خطاب ڪندي اڳواڻن چيو ته جنهن مقصد ۽ نظام لاءِ پاڪستان ٺاهيو ويو، ان نظام جو نفاذ اڄ ضروري آهي. پاڪستان حاصل ڪرڻ جو مقصد هتي اسلامي نظام جو نفاذ هو. ھنن چيو ته پاڪستان کي ٻاهرين دشمن قوتن کان خطرو آهي، جيڪي اندروني شرپسندن ذريعي ملڪ کي غير مستحڪم ڪرڻ چاهين ٿيون، عوام پنهنجي سيڪيورٽي ادارن سان ھر وقت گڏ بيٺل آهي. ان موقعي تي شاگردن ۾ تقريري مقابلا ٿيا، شاگردن ٽيبلوز ۽ گيت پيش ڪيا. جڏھن ته شاگردن کي ايوارڊز پڻ ڏنا ويا. سيمينار جي آخر ۾ پاڪستان جي سلامتي ۽ خوشحالي لاءِ خصوصي دعا گهري وئي.