ڪراچي جو سھراب ڳوٺ ٽائون انتظاميھ جي بي ڌياني سبب گندگي جي ڍير ۾ تبديل

گلشن بلوچ پاڻي ۾ ميت گندگي پاڻي مان گذاري قبرستان منتقل ڪئي وئي، وڊيو سوشل ميڊيا تي وائرل

گڏاپ (محمد علي خاصخيلي)ڪراچي سھراب ڳوٺ ٽائون گندگي جي ور چڙهي ويو. سيوريج سسٽم ناڪاره ٿيڻ ڪري علائقن ۾ گندو پاڻي تلائن جي صورت ۾ بيٺل. انتظاميه غائب. يوسي 8 جي گلشن بلوچ محلي واسي گندي پاڻي مان ميت کي قبرستان دفن ڪرڻ لاء گذاريو ويو. ويڊيو سوشل ميڊيا تي وائرل. تفصيل موجب ڪراچي سھراب ڳوٺ ٽائون انتظاميه جي عدم دلچسپيءَ سبب يوسي 8 جي علائقي گلشن بلوچ محلي جي مين گھٽين تي بيٺل پاڻي مان ميت کي قبرستان ۾ دفن ڪرڻ لاءِ گذاريو ويو، شھرين پاڻي مان جنازو گذارڻ جي وڊيو ٺاهي سوشل ميڊيا تي وائرل ڪري ڇڏي، شعور رکندڙن پاران سوشل ميڊيا تي انتظاميا مٿان سخت تنقيد ڪئي وئي. شهرين جو چوڻ هو ته انتظامي لاپرواهي جي ڪري يوسي 8 جي علائقي جي مين گھٽين رستن تي گندو پاڻي تلاءَ جي صورت ۾ بيٺل آهي. رھواسين ٻڌايو ته ڪيترائي ڀيرا شڪايتن باوجود يوسي انتظاميه پاڻي نيڪال ڪرڻ لاء تيار ناھي. جنھن سبب مسجدن توڙي گھرن ڏانھن ويندڙ رھواسي عذيت واري زندگي گذارڻ تي مجبور آھن. ھنن چيو ته گھرن ڏانھن ويندڙ رستن تي گندو پاڻي بيٺل آهي اڄ علائقي ۾ ميت ٿي وئي جنھن کي مجبورن گندي پاڻي مان ميت کي قبرستان ۾ دفن ڪرڻ لاءِ کڻي ويا آھيون. ھنن چيو ته يوسي انتظاميه توڙي سھراب ڳوٺ ٽائون انتظاميه نااھل آھي جيڪي ڪم نه پر رڳو ڦوٽو سيشن لاءِ چونڊيا ويا آھن. ھنن ميئر ڪراچي بئريسٽرمرتضي وھاب کان مطالبو ڪيو ته فوري طور يوسي 8 گلشن بلوچ محلي ۾ بيٺل گندي پاڻي جي نيڪالي ڪرائي رھواسين کي پريشاني کان بچايو وڃي