گڏاپ: سچل ڳوٺ ۾ ڪانڌڙا ڪميونٽي ويلفيئر سنڌ جو اجلاس منعقد

شاهنواز ڪانڌڙو، ڊي ايس پي فيض ڪانڌڙو،ايڊوڪيٽ رياض ڪانڌڙو ۽ ٻيا شريڪ

گڏاپ (رپورٽر)سچل ڳوٺ ۾ ڪانڌڙا ڪميونٽي ويلفيئر سنڌ جو اجلاس ڪوٺايو ويو جنهن ۾ ڪانڌڙا ڪميونٽي جي مرڪزي صدر شاهنواز ڪانڌڙو، مرڪزي جنرل سيڪريٽري ڊي ايس پي فيض ڪانڌڙو،ايڊوڪيٽ رياض ڪانڌڙو ،سيد احمد علي شاهه ڪاظمي ،ذاڪر ڪانڌڙو ،وسيم ڪانڌڙو ۽ ٻين وڏي انگ ۾ شرڪت ڪئي ان موقعي تي ڪانڌڙا ڪميونٽي جي سماجي ڪمن جي حوالي سان غور ويچار ڪيو ويو ۽ سچل ڳوٺ ۾ ذاڪر ڪانڌڙو جي نرسري تي جبري قبضي جي سخت لفظن ۾ مذمت ڪئي وئي ۽ شاهنواز ڪانڌڙو ۽ فيض ڪانڌڙو چيو ته ذاڪر ڪانڌڙو هڪ پرامن سياسي ۽ سماجي ڪارڪن آهي جنهن سڄي زندگي غريب مسڪين ماڻھن لاءِ ۽ خاص ڪري سنڌ جي ھر اشو تي سنڌ لاء آواز اٿاريو آهي پر ڪجهه سازشي عناصر ماڻهو بلاجواز ذاڪر ڪانڌڙي کي تنگ ڪري رھيا آھن ذاڪر ڪانڌڙو صحافين سان ڳالهائيندي چيوته اسان ھميشه پنھنجن سنڌي ماروئڙن جي خدمت ڪئي آھي ٻوڏ دوران اسان ڏينھن رات ھڪ ڪري سنڌي ماروئڙن جي ڏکن سورن کي ختم ڪري انھن جي چھرن تي مسڪراهٽ آندي ڪجھ شر پسند ماڻھون منھنجي ڪي ڊي اي جي الاٽ ٿيل نرسري تي قبضو ڪرڻ چاهين ٿا جيڪو ڪنهن به صورت ۾ قبول نه ڪبو قبضا مافيا سان ڪجهه علائقي جا بااثر پڻ مليل آهن اسين اعلي اختيارين کان مطالبو ڪريون ٿا ته قبضا مافيا خلاف سخت ڪارروائي ڪري اسان کي مڪمل تحفظ ڏنو وڃي. ۽ قبضه مافيا کي قانون جي ڪٽهڙي ۾ آڻي پڇا ڳاڇا ڪئي وڃي انصاف نه مليو ته ٻي صورت ۾ ڪراچي کان ڪشمور تائين رھندڙ اسان جي ڪميونٽي ڪانڌڙا برادري جا ماڻھون روڊن تي نڪري احتجاجي مظاهرو ڪندا ان موقعي تي جي ايم ڪانڌڙو.استاد زوار نانگ سي ڪانڌڙو پڻ موجود ھيو