وڳڻ ۾ ماءُ جي ٿڃ جي اھميت بابت عالمي ھفتي جي حوالي سان سيمينار منعقد

مائرن کي گھرجي ته اُھي پنھنجي ٻارن کي ٻن سالن تائين پنھنجي ٿڃ پيئارين جيڪا سندن ٻارن لاء بھترين غذا آھي: مقرر

وڳڻ (رپورٽر) وڳڻ ۾ آغا خان يونيورسٽي اسپتال پاران ضلعي صحت آفيس قمبر شھدادڪوٽ جي تعاون سان ماءُ جي ٿڃ جي اھميت بابت ملھائجندڙ عالمي ھفتي جي حوالي سان ھڪ سيمينار منعقد ڪري ڊاڪٽر سيد حبيب شاھ بخاري ۽ ڊاڪٽر سيد عبدالرحمان شاھ جي اڳواڻيءَ ۾ ريلي پڻ ڪڍي وئي جنھن ۾ وڏي انگ ۾ صحت کاتي جي عملدارن ۽ عورتن پڻ شرڪت ڪئي ان موقعي تي ڊاڪٽر سيد حبيب شاھ بخاري، ڊاڪٽر سيد عبدالرحمان شاھ آفتاب احمد ميمڻ، تحسين خان، ڊاڪٽر شاهنواز جتوئي ۽ علي شير بروھي چيو ته ننڍن ڄاول ٻارن لاء ماءُ جي ٿڃ ھڪ اھم کوراڪ آھي مائرن کي گھرجي ته اُھي پنھنجي ٻارن کي ٻن سالن تائين پنھنجي ٿڃ پيئارين جيڪا سندن ٻارن لاء تمام بھترين غذا آھي اسانجي عورتن کي پنھنجي ٻارن کي فيڊر ۾ ٻيو ڪوبه کير نه پيئارڻ گھرجي کين پنھنجي ٻارن جي صحت جو خاص احتياط رکڻ گھرجي ننڍو ٻار پنھنجي ماءُ جي ٿڃ پيئڻ سان ئي صحتياب رھي سگھي ٿو ٻار کي سندس ماءُ جي ٿڃ ئي صحتمند رکي سگھي ٿي.