آپ کو اداکارہ اچھی نہیں لگتی تو اس کی فلم نہ دیکھیں: هما قريشی

گینگز آف واسے پور کی اسٹار ہما قریشی اپنی موٹاپے کی وجہ سے مسلسل ٹرول ہو رہی ہیں۔

ممبئی (شوبز نیوز) ہما قریشی نے اپنے وزن کے حوالے سے ٹرول کرنے والوں کو تنقید کا نشانہ بناتے ہوئے کہا کہ کسی پر ذاتی تبصرے کرنے کے بجائے اگر آپ کو فلم اچھی نہیں لگتی یا اداکارہ اچھی نہیں لگتی تو فلم نہ دیکھیں۔ سوشل میڈیا پر ٹرولنگ کوئی نئی بات نہیں ہے اور جب بات باڈی شیمنگ کی ہو تو تبصرہ کرنے والے بھی پیچھے نہیں ہیں۔ رانی مکھرجی اپنی آواز اور ابھیشیک بچن کو اپنے والد کی طرح کامیاب نہ ہونے کی وجہ سے ٹرول کیا جاتا ہے۔ ودیا بالن کو ان کے بڑھتے ہوئے وزن پر تنقید کا نشانہ بنایا گیا تھا اور اب ہما قریشی کا نام بھی اس فہرست میں شامل ہو گیا ہے۔ گینگز آف واسے پور کی اسٹار ہما قریشی اپنی موٹاپے کی وجہ سے مسلسل ٹرول ہو رہی ہیں۔ ایک انٹرویو میں 37 سالہ اداکارہ ہما قریشی نے کہا کہ لوگوں کو اداکاروں پر ذاتی حملے کرنے کی عادت ہے۔ اداکارہ نے کہا کہ بدتمیز ہونا اور توہین آمیز الفاظ استعمال کرنا اچھی عادت نہیں ہے۔ اگر کوئی بہت برا لگتا ہے تو ان کی فلمیں نہ دیکھیں۔