ڊي سي ٺٽو آفيس ريڊر برانچ جي سينئر ڪمپيوٽر آپريٽر جي لاڏاڻي تي تعزيت جو سلسلو جاري

پ پ اڳواڻ عاشق حسين زرداري، ضلعي ڪائونسل چيئرمين عبدالحميد پنهور ۽ ٻيا سيد ڀورل شاهه جي تڏي تي پهتا

ٺٽو(ڊر) پاڪستان پيپلز پارٽي جي نوجوان اڳواڻ عاشق حسين زرداري، ضلعي ڪائونسل ٺٽي ھي چيئرمين عبدالحميد پنھور، ٽائون ڪميٽي مڪلي جي چيئرمين پير زين العابدين شاھ جيلاني ور شھر لڳ ڳوٺ سيد مير محمد شاھ نانگاني پھچي ڊي سي آفيس ٺٽو جي ريڍر برانچ جي سينيئر ڪمپيوٽر آپريٽر سيد ڀورل شاھ جي اوچتي لاڏاڻي تي سندس وارثن سان تعزيت ڪري مرحوم جي معفرت لاء خصوصي دعائون گھري ڏک ونڊيو، جنھن بعد پ پ پ اڳواڻ عاشق حسين زرداري، ضلعي ڪائونسل ٺٽي جي چيئرمين عبدالحميد پنھور ۽ ٻين پاران تعلقي گھوڙاٻاري جي مختلف علائقن ۾ ھلندڙ نئين روڊن جي تعميراتي ڪمن جو جائزو وٺي ٺيڪيدار کي سخت ھدايتون ڪيون تہ ھو روڊن جي تعميراتي ڪمن م ڪابہ ڪوتاھي نہ ڪن، جيڪا ڪنھن بہ صورت ۾ برداشت نہ ڪئي ويندي. ھنن چيو تہ اسانجي اولين ترجيح آھي تہ عوام کي بھتر روڊ ٺھرائي ڏيون جيئن کين سفر ڪرڻ ۾ ڪابہ ڏکيائي پيش اچي نہ سگھي. ھنن چيو تہ تعلقي گھوڙاٻاري ۾ پ پ پ ايم پي اي حاجي علي حسن زرداري روڊ، رستن، بجلي، واٽر سپلاء، اسپتالن، واھن کي پڪو ڪرڻ سميت پنھنجي تڪ جي عوام کي سموريون بنيادي سھولتون مھيا ڪيون آھن، جيڪو ھڪ مثال آھي. ايندڙ نئين حڪومت ۾ ان کان بہ وڌيڪ ترقياتي ڪمن جو ڄار وڇايو ويندو، جيڪو ھڪ رڪارڊ رھندو.