ڏوڪري ۾ گاڏهي ڌرين ۾ جهيڙي دوران قتل ٿيل عورت سميت ٻن ڄڻن واري واقعي بابت جرڳو

پ پ اڳواڻ علي ڏنو گاڏهي، بشير احمد گاڏهي جي سرپئنچي ۾ جرڳو ٿيون، ڌرين ۾ 20 لک ڏنڊ مقرر

ڏوڪري (رپورٽر) ڏوڪري ڀرسان ڏيرا ٿاڻي جي حد ۾ ڳوٺ ربن گاڏهي ۾ گاڏهي برادري جي ٻن ڌرين وچ ۾ معمولي ڳالهه تان جهيڙي دوران هڪ مرد ۽ عورت جي قتل ٿيل جو فيصلو، پ پ اڳواڻ علي ڏنو خان گاڏهي، رئيس بشير احمد گاڏهي سرپرستي هيٺ فيصلو ڪيو آھي،جڏھن ته عبدالستار گاڏهي جي ڌر مٿان ربن گاڏهي واري ڌر جي پيرسن وزير علي گاڏهي جو خون ثابت ٿيڻ تي مٿس 15 لک ڏنڊ جڏهن ته عورت مهران خاتون جي خون جي ربن گاڏهي واري ڌر مٿان ڪوڙي ايف آءِ آر داخل ڪرائڻ تي عبدالستار گاڏهي واري ڌر مٿان 5 لک وڌيڪ ڏنڊ وڌو ويو. جنھن ۾ جوابدار ۽ فريادي ڌر تي ڏوه ثابت ٿيڻ تي مجموعي طور تي ٽوٽل 20 لک ڏنڊ وڌو ويو آھي. جڏھن ته جوابدار عبدالستار گاڏهي 5 لک معاف ڪري ڇڏيا. جڏھن ته باقي جوابدار ڌر ميڙ سان گڏ 15 لک ۽ 3 قسطن ۾ ربن گاڏي واري ڌر کي ادا ڪيا ويندا . رقم ملڻ بعد ربن گاڏهي واري ڌر ڪيس تان هٿ کڻندي. اهڙي ٿيل فيصلي بعد ڌريون کير کنڊ ٿي ويون، هوڏانهن ٻنهي ڌرين فيصلي کي قبول ڪيو آھي ٻئي طرف علائقي ۾ خوشيءَ جي لهر ڇانيل آهي.