نوشھروفيروز ۾ تڳر ۽ ٻٻر برادري جي ٻن ڌرين ۾ جھيڙو، 10 ڄڻا رتورت

67 views | 04th Aug 2026 • سنڌي خبرون

نوشھروفيروز ۾ تڳر ۽ ٻٻر برادري جي ٻن ڌرين ۾ جھيڙو، 10 ڄڻا رتورت

نوشهروفيروز(ڊ ر)نوشهروفيروز باءِ پاس تي تڳر ۽ ٻٻر برادري جي ٻن ڌرين وچ ۾ پراڻي تڪرار تان جهيڙو ٿي پيو، جنهن دوران لٺيون، ڪهاڙيون ۽ سرون لڳڻ سبب 10 ڄڻا زخمي ٿي پيا. زخمين ۾ تڳر برادري جا جمعدار علي اڪبر تڳر، جميل تڳر، علي اصغر تڳر، وحيد علي تڳر ۽ ساجد علي تڳر شامل آهن، جڏهن ته ٻٻر برادري جا غلام حسين ٻٻر، ڪاشف ٻٻر، علي اشرف، رحيم ٻٻر ۽ عبدالرحمان ٻٻر پڻ زخمي ٿي پيا. واقعي کان پوءِ ٻنهي ڌرين نوشهروفيروز ٿاڻي تي هڪ ٻئي خلاف اين سيون داخل ڪرائي ڇڏيون آهن. پوليس زخمين کي علاج لاءِ سول اسپتالنوشهروفيروز منتقل ڪيو، جڏهن ته جهيڙي جو ڪارڻ پراڻو تڪرار ٻڌايو پيو وڃي.