نوشهروفيروز ۾ سنڌ ترقي پسند پارٽي پاران سيپڪو خلاف احتجاج

ھڪ پاسي غير قانوني لوڊشيڊنگ جو آزار بي طرف ڳرا بل موڪلي عوام کي عذاب ۾ مبتلا ڪيو ويو آھي: اڳواڻ

نوشهروفيروز(ڊ ر)نوشهروفيروز ۾ سنڌ ترقي پسند پارٽي جي ڪارڪنن پاران سيپڪو جي ظلمن خلاف پريس ڪلب آڏو احتجاجي مظاهرو ڪيو ويو جنهن جي اڳواڻي ڪامريڊ اسد چانڊيو، ذڪريا ڏهراج ، عاقب علي چانڊيو، حبيب الله مشوري فيصل سيال ۽ ٻيا ڪري رهيا هئا جن نعريبازي به ڪئي ان موقعي تي ميڊيا سان ڳالهائيندي مظاهرين جي اڳواڻي ڪندڙن چيو ته سيپڪو وارن غريب ڪسٽمرن سان ظلم جي انتها ڪري ڇڏي آهي جن هڪ ته غير قانوني لوڊشيڊنگ جو آزار وڌائي ڇڏيو آهي ٻيو وري ٻي پهچ ماڻهن ڏي ڳرا بل موڪلي انهن جو جيئڻ جنجال ڪري ڇڏيو آهي هنن چيو ته سيپڪو وارن جي مرضي آهي ته ضلعي جو عوام بغير لائٽ جي گذاري يا کين رشوت ڏئي جيڪا ناانصافي آهي جنهن اسين هر گز قبول ڪين ڪنداسين هنن اعلا اختيارين کان مطالبو ڪيو ته سيپڪو جي عملدارن خلاف جاج ڪري غيرقانوني لوڊشيڊنگ ۽ ڳرڻ بلن جو خاتمو آندو وڃي