ڪشمير ۾ رڪارڊ ڌانڌلي ڪري پ پ پ اميدوارن کي ھارايو ويو: پيرسيد ڪاظم شاھ لڪياري

اسان کي پھريان کان ئي خدشا ھيا جيڪي سچ ثابت ٿيا آھن زراعت کي ھٿ وٺي تباھ ڪيو پيو وڃي

ھڱورجا(رپورٽر)پاڪستان پيپلز پارٽي جي سينيٽر پيرسيد ڪاظم علي شاھ لڪياري چيو تہ ڪشمير ۾ رڪارڊ ڌانڌلي ڪري پ پ پ اميدوارن کي ھارايو ويو آھي اسان کي پھريان کان ئي خدشا ھيا جيڪي سچ ثابت ٿيا آھن زراعت کي ھٿ وٺي تباھ ڪيو پيو وڃي ايگريڪلچر ۾ ريسرچ ڪرڻ لاء ادارا تہ قائم ڪيا ويا پر ڪم نہ ٿو ڪيو وڃي آبادگار طبقي کي صحيح ٻج بہ فراھ نٿو ڪيو وڃي لڪياري ھائوس ۾ پاڪستان پيپلز پارٽي جي ڪارڪنن جي ميڙاڪي جي خطاب ڪندي ۽ صحافين سان ڳالھائيندي چيو آھي تہ پاڪستان پيپلز پارٽي پاڻي معاملي تي ڪاب سوديبازي ن ڪندي سنڌو دريا تي ڌاڙو ھڻڻ نہ ڏينداسون ھن چيو ته سنڌ جي وحدانيت جي ڪو بہ خطرو ناھي جيڪي سنڌ کي ٽوڙڻ جون ڳالھيون ڪن ٿا اھي صرف اھڙا افواھ پکيڙين ٿا .سيد ڪاظم علي شاھ لڪياري وڌيڪ چيو آھي تہ سنڌ سان وفاق جو ماٽيلي ماءُ وارو سلوڪ ڪيو وڃي ٿو اين ايف سي ايوارڊ ۾ ٻين صوبن سان گڏ سنڌ صوبي سان بہ نا انصافي ڪئي وئي آھي ھن وڌيڪ چيو آھي ڪشمير ۾ جيڪڏنھن شفاف چونڊون ٿين ھا تہ گلگت بلتستان وانگر پ پ پ ڪامياب ٿئي ھا تقريب کي پ پ پ اڳواڻ سيد محرم علي شاھ ۽ ٻين خطاب ڪيو آھي.