ملير: پراسرار نموني فوت ٿيل نوجوان وهاب پٺاڻ جو لاش جناح اسپتال منتقل
ملير (رپورٽ: عبدالرشيد مورجھريو)ملير جي علائقي گهگهر ڦاٽڪ ڀرسان قادر نگر واسي 16 ورهين جو نوجوان وهاب پٺاڻ، جيڪو سهراب ڳوٺ جي علائقي ۾ ڪباڙ جي گودام ۾ مزدوري ڪندو هو گذريل رات پراسرار حالتن ۾ فوت ٿي ويو نوجوان جو لاش گهر پهچڻ تي گهر ۾ ڪهرام مچي ويو ۽ وارثن ۾ ڏک ۽ غم جي لهر ڇانئجي وئي. فوتي جي والد غفار پٺاڻ واقعي جي اطلاع اسٽيل ٽائون پوليس کي ڏني ۽ نوجوان جي موت جا سبب معلوم ڪرڻ لاءِ پوسٽ مارٽم ڪرائڻ جي درخواست ڪئي اطلاع ملڻ تي پوليس ڪارروائي ڪندي لاش کي قانوني ڪارروائي لاءِ جناح اسپتال منتقل ڪري ڇڏيو، جڏهن ته گهگهر ڦاٽڪ چوڪي جو انچارج اسد گوپانگ پڻ واقعي واري هنڌ پهچي وارثن سان ملاقات ڪئي ۽ ضروري معلومات گڏ ڪئي پوليس جو چوڻ آهي ته نوجوان جي موت جا حتمي سبب پوسٽ مارٽم رپورٽ اچڻ کانپوءِ ئي سامهون اچي سگهندا، جڏهن ته واقعي بابت وڌيڪ جاچ جاري آهي.
0 تبصرے