ميرپورخاص واسڻ ناري پاران ڪراچي واسي نوجوان سان پرڻو

بالغ آھيان ۽ مرضي سان الاھي بخس سان شادي ڪئي آھي: ناري ردا

ملير (رپورٽ: عبدالرشيد مورجھريو) ميرپورخاص سان تعلق رکندڙ ناري ردا ڪراچي واسي نوجوان الاهي بخش سان ڪراچي جي عدالت ۾ پسند جو پرڻو ڪرڻ بعد عوامي پريس ڪلب ملير ۾ پريس ڪانفرنس ڪندي اعليٰ اختيارين کان تحفظ فراهم ڪرڻ جي اپيل ڪئي آهي پريس ڪانفرنس ۾ ناري ردا چيو ته هوءَ عاقل بالغ آهي ۽ هن بنا ڪنهن دٻاءُ جي پنهنجي مرضي سان الاهي بخش سان قانون موجب شادي ڪئي آهي هن الزام هنيو ته سندس سئوٽ عمير، چاچو مراد بخش ۽ پوليس اهلڪار لياقت کين موتمار ڌمڪيون ڏئي رهيا آهن ۽ مختلف طريقن سان هراسان ڪري رهيا آهن جنهن سبب سندن جانين کي سخت خطرو آهي ھن چيو ته مونکي ۽ منھنجي مڙس کي ڪجھ به ٿيو ته ان جا زميوار ڄاڻايل ماڻھون ھوندا ان موقعي تي الاهي بخش چيو ته ردا سان محبت آھي اسان ٻنهي پنهنجي مرضي سان ڪراچي جي عدالت ۾ شريعت موجب نڪاح ڪيو آهي سندس چوڻ هو ته سندن خلاف ڪوڙا الزام هڻي کين پريشان ڪرڻ ۽ ڪوڙا ڪيس داخل ڪرائڻ جون ڪوششون ڪيون پيون وڃن جوڙي سنڌ جي وڏي وزير، آءِ جي سنڌ، ڊي آءِ جي ايسٽ، ۽ ٻين لاڳاپيل اختيارين کان مطالبو ڪيو ته کين تحفظ فراهم ڪيو وڃي ۽ مبينا ڌمڪين جو نوٽيس وٺي قانون موجب ڪارروائي ڪئي وڃي، جيئن هو بنا خوف ۽ خطري جي پنهنجي زندگي گذاري سگهن