پيرولاشاري ڀرسان ٽريڪٽر ٽرالي ڪلٽي ٿي کڏ ۾ ڪِري پئي، ڊرائيور سميت 2 ڄڻا فوت

حادثي ۾ ٽريڪٽر ڊرائيور 30ورهين جو محمد عرس ملاح ٿڏي تي فوت، گل حسن ملاح بدين اسپتال ۾ دم ڏنو

پيرولاشاري (رپورٽر) پيرولاشاري ويجهو تيزرفتار ٽريڪٽر ٽرالي ڊرائيور جي ڪنٽرول مان نڪري کاهي م ڪري پئي 2 نوجوان فوت، تفصيل موجب پيرولاشاري ويجهو مين حيدرآباد بدين روڊ پرهياڙ بونڊري وٽ تيز رفتار ٽريڪٽر ٽرالي ڊرائيور جي ڪنٽرول مان نڪري کاهي ۾ ڪري پئي جنهن سبب ڪاٽ جي مزدوري تي ويندڙ پيرولاشاري ريلوي اسٽيشن واسي پورهيت 30 سالا شادي شده نوجوان ٽريڪٽر ڊرائيور محمد عرس پٽ وڪيو ملاح موعقي تي فوت ٿي ويو جڏھن ته 25 سالا نوجوان گل حسن پٽ مير ملاح سخت زخمي ٿي پيو جنهن کي ڳڻتي جوڳي حالت ۾ انڊس اسپتال بدين منتقل ڪيو ويو جتي موجود ڊاڪٽرن پاران سندس فوت ٿيڻ جي تصديق ڪري ڪئي فوتي جو انگ وڌي 2 ٿي ويو هوڏانهن اهڙو اطلاح ملڻ تي فوتي نوجوانن جي گهرن ۾ ڪهرام مچي ويو ٻڌايو پيو وڃي ته ٻئي نوجوان پاڻ ۾ سگا سئوٽ هئا ٻئني فوتين جا لاش هڪ وقت کڻڻ ڪري ڳوٺ ۾ روج راڙو مچي ويو فوتين جي جنازي نماز سندن اباڻي ڳوٺ ۾ ادا ڪرڻ بعد کين سوين آلين اکين سان مٽيءَ ماءُ حوالي ڪيو ويو، جنازي نماز ۾ سياسي سماجي اڳواڻن، صحافين، سميت ڳوٺاڻن وڏي انگ ۾ شرڪت ڪئي،