شڪارپور جي پرائمري اسڪول جي ڪم ۾ مبينا ناقص مٽيريل واري معاملي جو نوٽيس

سماجي اڳواڻ ڪامريڊ احسان جيهو جي شڪايتي درخواست جو اسسٽنٽ ڪمشنر ڊاڪٽر عارف بتول نوٽيس ورتو

شڪارپور(احسان ابڙو) شڪارپور گورمينٽ پرائمري اسڪول امين شاھ چستي جي تعميراتي ڪم ۾ مبينا بي ضابطگين ۽ ناقص مٽيريل استعمال ٿيڻ واري معاملي تي سماجي اڳواڻ ڪامريڊ احسان جيھو پاران ٺيڪيدار الطاف ڀٽو خلاف ضلعي انتظاميا کي شڪايتي درخواست جمع ڪرائي وئي ھئي, درخواست ۾ ڄاڻايو ويو آهي تہ اسڪول جي پراڻي بلڊنگ جي پيڙھ مٿان نئين بلڊنگ تعمير ڪئي پئي وڃي، جيڪا مستقبل ۾ ڪنهن وڏي حادثي جو سبب بڻجي سگهي ٿي,شڪايت بعد اسسٽنٽ ڪمشنر شڪارپور ڊاڪٽر عارفہ بتول راء معاملي جو نوٽيس وٺندي ڊسٽرڪٽ ايجوڪيشن آفيسر پرائمري,ميل شڪارپور,تعلقہ ايجوڪيشن آفيسر پرائمري ميل شڪارپور ,ايجوڪيشن ورڪس کاتي سميت لاڳاپيل اختيارين کي خط جاري ڪري ڇڏيو آهي، جنهن ۾ اسڪول جي تعميراتي ڪم جي شفاف جاچ، پراڻي پيڙھ جي فني معائني ۽ ٽيڪنيڪل ٽيم ذريعي مڪمل انڪوائري ڪرائڻ جي سختي سان هدايت ڪندي رپورٽ پيش ڪرڻ جو حڪم جاري ڪيو ويو آهي.