نوشهروفيروز ۾ 3ڏينهن اڳ پوليس جي مبينا تشدد۾ مارجي ويل مقصود چانڊيو جي وارثن جو ڌرڻو

نوشهروفيروز(ڊ ر)نوشهروفيروز ۾ ٽي ڏينهن اڳ مبينا پوليس جي تشدد ۾ مارجي ويل مقصود چانڊيو جي وارثن جو پوليس خلاف احتجاجي مظاهرو جنهن اڳواڻي مسرور چانڊيو، وڏيرو غلام سرور چانڊيو، حب علي ۽ مشتاق چانڊيو ڪري رهيا جن پوليس خلاف نعريبازي پڻ ڪئي ان موقعي تي ميڊيا اڳيان دانهيندي مقتول مقصود چانڊيو جي وارثن مسرور چانڊيو ۽ ٻين چيو ته ٽي ڏينهن اڳ مٺياڻي ۾ اسان جي همراه مقصود چانڊيو کي گهٽي مان سي آءِ اي انچارج امداد جاگيراڻي جي اڳواڻي ۾ ابڙان ۽ مٺياڻي پوليس سان ڪجهه سول ڪپڙن پهريل ماڻهن مقصود چانڊيو تي تشدد ڪيو جيڪو اسپتال نيندي فوت ٿي ويو آهي هنن چيو ته ظلم جي انتها آهي ته پوليس اسان جي ماڻهو کي ماريو آهي ۽ ڪيس به ان فوتي تي داخل ڪيو ويو آهي ۽ پوليس اسان کان ڪيس وٺڻ لاءِ تيار نه آهي هنن آءِ جي سنڌ ، ڊي آءِ جي شهيد بينظير آباد، سيشن جج نوشهروفيروز سميت ٻين وس وارن کي معاملي جي صاف ۽ شفاف جاچ ڪري مقتول مقصود چانڊيو جي قاتل پوليس عملدارن ۽ اهلڪارن کي گرفتار ڪيو وڃي