محتسب اعليٰ لاڙڪاڻو اڪبر جاگيراڻي پاران مختلف اسڪولن جا دورا

اڪبر جاگيراڻي وڪڙو ۽ ڏوڪري جي اسڪولن جا دورا ڪيا، صفائي سٿرائي نه هجڻ تي ڪاوڙ جو اظهار

ڏوڪري(رپورٽر) محتسب اعلي لاڙڪاڻو اڪبر جاگيراڻي پاران گورنمينٽ گرلس سيڪنڊري اسڪول وڪڙو، پرائمري اسڪول وڪڙو گورنمينٽ گرلس هائير سيڪنڊري اسڪول ڏوڪري گورنمينٽ بوائز ايليمينٽري اسڪول ڏوڪري جو دورو ڪيو. جتي ڪمپيوٽر ليب غير فعال هئڻ استادن جي ڏھن کان ٻارهن ڏينهن جي حاضري ڀريل نه هئي جڏهن ته صفائي سٿرائي جي حوالي سان ڪنهن به قسم جي صفائي سٿرائي جو ڪوبه انتظام نه هيو. جنهن تي محتسب اعلي لاڙڪاڻو اڪبر جاگيراڻي پاران مذڪوره عملي اسٽاف کي خميس ڏينهن پنهجي آفيس م گهرائي ورتو آهي ته ان مسئلي جو جواب ڏين. ٻي پاسي محتسب اعلي لاڙڪاڻو اڪبر جاگيراڻي پاران هڪ کلي ڪچهري منعقد ڪئي وئي جنهن م عوام جا مسئلا ٻڌا ۽ انهن کي حل ڪرڻ جا حڪم جاري ڪيا. ان موقعي تي محتسب اعلي اڪبر جاگيراڻي خطاب ڪندي چيو آهي ته عوام جا بنيادي مسئلا آفيسرن کي حل ڪرڻ گهرجن جڏهن ته اسڪول انتظاميا اسڪولن م پاڻي ٿڌي جي سهولت ۽ صفائي سٿرائي استادن توڙي هيٺين اسٽاف جي حاضري ضروري بنائن.