ھڱورجا ۾ وڌندڙ بدامني خلاف خاصخيلي برادري ۽ شھرين جو ٿاڻي آڏو ڌرڻو

پ پ اڳواڻ امير علي خاصخيلي.ڏنل خاصخيلي. پرويز ڀٽو ۽ ٻين جي اڳواڻي ۾ ڌرڻو ھنيو ويو

ھڱورجا(رپورٽر )ھڱورجا ۾ وڌندڙ بدامني جي خلاف خاصخيلي برادري ۽ شھرين جو ھنڱورجا ٿاڻي آڏو ڌرڻو .بدامني ۽ پوليس خلاف سخت نعري بازي.شھر ۾ امن امان بحال ڪرائڻ جو مطالبو تفصيلي خبر موجب ھنڱورجا ۽ ان جي ڀرپاسي ۾ وڌندڙ بدامني جي خلاف خاصخيلي برادري ۽ شھرين جو ھنڱورجا ٿاڻي جي آڏو پ پ پ اڳواڻ امير علي خاصخيلي.ڏنل خاصخيلي.امتياز خاصخيلي پرويز ڀٽو ۽ ٻين جي اڳواڻي ۾ احتجاجي مظاھرو ڪري ڌرڻو ھنيو ويو احتجاج ڪندڙ وڌندڙ بدامني خلاف سخت نعري بازي ڪئي ان موقعي تي احتجاج ڪندڙن ميڊيا سان ڳالھائيندي چيو آھي تہ ھنڱورجا ٿاڻي جي حد ۾ بدامني چوٽ چڙھيل آھي چوريون ڦرون عروج تي پھتل آھن پر پوليس انتظاميا ڏوھن تي ڪنٽرول ڪرڻ ۾ ناڪام ٿي وئي آھي.جنھن شھري توڙي ڳوٺاڻا عدم تحفظ جو شڪار آھن ڪوب شھري توڙي ڳوٺاڻو محفوظ ناھي ھنن چيو ت ڏوھن تي ڪنٽرول ڪري شھر ۾ امن امان بحال ڪيو وڃي.ٻن ڪلاڪن جي احتجاج کان پوء ايس ايڇ او ھنڱورجا اقبال نون مظاھرين سان ڳالھيون ڪري احتجاج ختم ڪرايو.