سجاول ۾ پاڻي کوٽ ۽ سنڌو درياءَ کي سڪائڻ جي سازشن خلاف جسقم بشير قريشي پاران ريلي ڪڍي وئي

سجاول (ڊر)سجاول ضلعي ۾ پاڻي جي کوث ۽ درياء سنڌ کي سڪائڻ جي سازش خلاف جيئي سنڌ قومي محاذ (بشير خان ) پاران جسقم جي مرڪزي چيرمين ڊاڪٽر نياز ڪالاڻي آصف بالادي پنهل ساريو منظور ميمڻ ۽ نظير لغاري جي اڳواڻي ۾ تاج پمپ کان ريلي ڪڍي پبلڪ پارڪ وٽ احتجاجي مظاھرو ڪري ڌرڻو ھنيو ويو احتجاجي مظاھري ۽ ڌرڻي کي خطاب ڪندي ڊاڪٽر نياز ڪالاڻي آصف بالادي پنهل ساريو ۽ ٻين چيو ته سجاول ضلعي سميت سموري سنڌ ۾ پاڻي جي شديد کوٽ آھي آبادگارن وٽ سارين جي پوکائي سميت پيئڻ لاء پاڻي ناھي پاڻي جي کوٽ سبب زرعي معيشت تباھ ٿيڻ سان گڏ انسان توڙي جهنگلي جيوت سخت پريشان آھن ھنن چيو ايريگيشن عملدار پاڻي جي کوٽ ڄاڻائي عوام کي پريشان ڪري رھيا آھن جڏھن ته اثررسوخ رکندڙ ماڻهن کي پاڻي ڏيئي رھيا آھن ھنن چيو ته پنجاب ۾ نوان ڪئنال جوڙي سنڌ جو پاڻي بند ڪرڻ چاھين ٿا ھنن چيو ته اسان اھڙي سنڌ دشمن پاليسين کي ھرگز قبول نه ڪنداسين ڊاڪٽر نياز ڪالاڻي چيو ته درياء سنڌ فقط سنڌ جو آھي درياء تي ٻئي ڪنهن جي مالڪي يا ھٿ چراند ڪنهن به صورت ۾ برداشت نه ڪئي ويندي ھنن مطالبو ڪيو ته سنڌ جي پوڇڙ واري ساحلي علائيقي تائين ھڪدم پاڻي پهچائي سنڌو دريا خلاف سازشون بند ڪيون وڃن ھن موقعي پارٽي ڪاڪنن ھٿن ۾ بئنر کڻي پاڻي جي کوٽ خلاف سخت نعريبازي ڪئي