ٺٽي جي مختلف واهن ۽ شاخن ۾ پاڻي کوٽ خلاف آبادگارن جو ڌرڻو

آبادگارن پاران حيدرآباد قومي شاهراهه تي ڌرڻو هنيو ويو، ٽريفڪ معطل

ٺٽو (شفيق ڀٽي)ٺٽي تعلقي جي مختلف واھن ۽ شاخن وڏي الھکئي، ننڍي الھکئي، ناري ڇڇ ۽ ٻين شاخن جي متاثر آبادگارن پاران پاڻي جي سخت کوٽ خلاف ٺٽي لڳ ٺٽو حيدرآباد قومي شاهراھ تي ھڪ احتجاجي مظاھرو آبادگار اڳواڻن لياقت بروھي، سڪندر بروھي، حيات بروھي، عبدالرحمان سمون، ولي مگسي، عمران پالاري ۽ ٻين جي اڳواڻي ۾ ڪري روڊ بلاڪ ڪري ڌرڻو ھڻي ٽرئفڪ معطل ڪري ڇڏي، جنھن ڪرر سوين گاڏيون روڊ جي بنھي پاسن کان بيھجي ويون. ان موقعي تي متاثر آبادگارن دانھيندي چيو تہ جيئن پاڻي جو سخت بحران ٿيو آھي، تيئن کين پوڇڙ تائين پاڻي نٿو پھچي، سندن ھزارين ايڪڙ زمين بنجر بڻجڻ سان گڏ بيٺل فصل بہ سوڪھڙي جو شڪار بڻجي ويا آھن جنھن ڪري کين وڏو نقصان پھڇي رھيون آھي، ھنن چيو تہ ھاڻي کين پيئڻ توڙي جانورن جي اڃ اجھائڻ لاء بہ پاڻي ناھي، اسان مجبور ٿي ھن سخت گرمي ۾ احتجاج جو رستو اختيار ڪيو آھي، ھنن گھر ڪئي تہ فورن پاڻي جي کوٽ ختم ڪري سمورن واھن ۾ پاڻي ڇڏي کين وڌيڪ نقصان ۽ پريشاني کان بچايو وڃي، ان موقعي تي ايس ايڇ او ٺٽو مظھر ڪنگو آبادگارن وٽ پھچي ساڻن ڳالھيون ڪري اُحتجاج ختم ڪرائي روڊ کولرائي ڇڏيو.