ملير: شاهه لطيف ٽائون ۾ پوليس مقابلو، هڪ مبينا ڌاڙيل مارجي ويو، ٻه پوليس اهلڪار زخمي

ملير (رپورٽ: عبدالرشيد مورجھريو)شاهه لطيف ٽائون جي علائقي گرين سٽي ڀرسان پوليس ۽ مبينا ڌاڙيلن وچ ۾ ٿيل مقابلي دوران هڪ مبينا ڌاڙيل مارجي ويو، جڏهن ته ٻه پوليس اهلڪار زخمي ٿي پيا. فائرنگ کان پوءِ پوليس جي وڏي نفري واقعي واري هنڌ پهچي علائقي کي گهيري ۾ وٺي سرچ آپريشن شروع ڪيو، جڏهن ته ٻيا جوابدار فرار ٿيڻ ۾ ڪامياب ٿي ويا. ريسڪيو ذريعن موجب مارجي ويل مبينا ڌاڙيل ۽ زخمي پوليس اهلڪارن کي ايمبولينسن ذريعي فوري طور جناح اسپتال منتقل ڪيو ويو، جتي زخمي اهلڪارن کي طبي امداد فراهم ڪئي پئي وڃي.پوليس موجب مارجي ويل مبينا ڌاڙيل جي سڃاڻپ فوري طور نه ٿي سگهي، سندس عمر لڳ ڀڳ 35 سال ٻڌائي وڃي ٿي، جڏهن ته زخمي پوليس اهلڪارن جي سڃاڻپ غلام عباس ولد غلام رسول 40 سال ۽ زبير ولد مختيار احمد 38 سال طور ٿي آهي. پوليس جو چوڻ آهي ته فرار ٿيل جوابدارن جي گرفتاري لاءِ مختلف هنڌن تي ڇاپا هنيا پيا وڃن، جڏهن ته واقعي بابت وڌيڪ جاچ جاري آهي. ٻئي طرف سنڌ جي گهرو وزير ضياءُ الحسن لنجار ملير پوليس جي بروقت، بهادراڻي ۽ پيشاوراڻي ڪارروائي کي ساراهيندي ڊي آءِ جي ملير، ايس ايس پي ملير ۽ سموري پوليس ٽيم کي شاباس ڏني آهي. گهرو وزير چيو ته شاهه لطيف ٽائون ۾ خطرناڪ ڌاڙيل جي خاتمي ۽ قائدآباد ۾ گٽڪا مافيا خلاف ڪامياب ڪارروائي ملير پوليس جي بهترين پيشاوراڻي صلاحيتن جو ثبوت آهي. هن هدايت ڪئي ته فرار ٿيل جوابدار کي جلد کان جلد گرفتار ڪري سندس سهولتڪارن کي پڻ قانون جي ڪٽهڙي ۾ آندو وڃي.هن وڌيڪ هدايت ڪئي ته مقابلي دوران زخمي ٿيل پوليس اهلڪارن کي بهترين علاج جون سموريون سهولتون فراهم ڪيون