ڪڪڙ: رڪڻ ٿاڻي جي حد ۾ چانڊيا برادري جي ٻن ڌرين ۾ هلندڙ تڪرار تان نوجوان قتل، 2 ڄڻا زخمي

ڳوٺ جبيرجي ۾ فائرنگ جي نتيجي ۾ يعقوب عرف صوف چانڊيو مارجي ويو، معشوق چانڊيو ۽ رفيق چانڊيو سخت زخمي

ڪڪڙ (رپورٽر) ڪڪڙ ويجهو رڪڻ ٿاڻي جي حد ڳوٺ جبيرجي ۾ چانڊيا برادري جي ٻن ڌرين وچ ۾ پراڻي تڪرار تان جهيڙو شدت اختيار ڪري ويو ، جنهن دوران ٻنهي ڌرين هڪ ٻئي مٿان جديد هٿيارن سان فائرنگ ڪئي وئي آهي ، فائرنگ جي نتيجي ۾ يعقوب عرف صوف چانڊيو موقعي تي مارجي ويو ، جڏهن ته معشوق چانڊيو ۽ رفيق چانڊيو سخت زخمي ٿي پيا ، واقعي بعد علائقي ۾ خوف ۽ حراس پکڙجي ويو جڏهن ته اطلاع تي رڪڻ پوليس واقعي واري هنڌ پهچي مقتول جو لاش پنهنجي تحويل ۾ وٺي ضروري قانوني ڪارروائي بعد پوسٽ مارٽم لاءِ ڊي ايڇ ڪيو اسپتال دادو منتقل ڪري ڇڏيو آھي ذريعن موجب واقعي کان پوءِ ٻنهي ڌرين مورچا سنڀالي ورتا آهن ۽ علائقي ۾ ڇڪتاڻ برقرار آهي ، جڏهن ته ٻنهي ڌرين وچ ۾ وقفي وقفي سان فائرنگ جو سلسلو پڻ جاري آهي پوليس وڌيڪ نفري طلب ڪري صورتحال تي ضابطو آڻڻ ۽ واقعي جي جاچ شروع ڪري ڇڏي آهي جڏهن ته رڪڻ پوليس بچل چانڊيو ، علي احمد چانڊيو ، علي شير ۽ دلشير چانڊيو کي گرفتار ڪري کڻي وئي آهي ، ٻئي طرف چانڊيا برادري جي پراڻي تڪرار سبب هيئر تائين ٻنهي ڌرين جا 5 ماڻهون قتل ٿي ويا آهن