ملير: جاندار ڳوٺ ۾ قومي عوامي تحريڪ جي ڪارنر گڏجاڻي
اڳواڻن ۽ ڪارڪنن کي گهگهر ۾ مشعل بردار ريلي ۾ شرڪت جي اپيل
ملير (رپورٽ: عبدالرشيد مورجھريو) ڪراچي ۾ قومي عوامي تحريڪ جي "متحد ۽ مضبوط سنڌ" مهم جي سلسلي ۾ جاندار ڳوٺ ۾ شيدي هائوس تي ڪارنر گڏجاڻي ڪوٺائي ويئي جنهن ۾ قومي عوامي تحريڪ ڪراچي ڊويزن جي صدر منان شيخ، جنرل سيڪريٽري اشفاق چنڙ، ضلعي ملير جي صدر فياض اتيرو، علي ٻٻر، سينگار بليدي، يونٽ گهگهر جي صدر اويس ڪانڌڙو، نائب صدر عمران ڀٽي، ممتاز ڪانڌڙو، شوڪت آريجو، راشد بليدي ۽ منور ڪانڌڙو سميت علائقي واسين وڏي انگ ۾ شرڪت ڪئي.ان موقعي تي اڳواڻن خطاب ڪندي چيو ته قومي عوامي تحريڪ پاران مرڪز جي سڏ تي هلندڙ 52 ڏينهن واري "متحد ۽ مضبوط سنڌ" مهم جو مقصد سڄي سنڌ جي ماڻهن کي هڪ پليٽ فارم تي گڏ ڪري سنڌ جي حقن لاءِ منظم جدوجهد ڪرڻ آهي هنن الزام هنيو ته سنڌ جي پاڻي، ڪوئلي، تيل، زمينن ۽ ٻين قدرتي وسيلن جي مسلسل ڦرلٽ ڪئي پئي وڃي، جڏهن ته سنڌ واسين کي ذات، قبيلي، فرقي ۽ نسل جي بنيادن تي ورهائي سندن اتحاد کي ڪمزور ڪرڻ جون ڪوششون ڪيون پيون وڃن اڳواڻن عوام کي اپيل ڪئي ته سنڌ جي وسيلن جي ڦرلٽ ۽ گهگهر ڦاٽڪ ۾ بنيادي سهولتن جي کوٽ خلاف مشعل بردار ريلي ۾ ڀرپور شرڪت ڪري پنهنجي حقن لاءِ گڏيل آواز بلند ڪن.
0 تبصرے