ڊي سي عمرڪوٽ نويد الرحمان لاڙڪ جي صدارت هيٺ اجلاس

اجلاس ۾ ايس ايس پي سهائي عزيز ٽالپر، اي سي ڪنري محمد خان ۽ ٻيا به شريڪ

عمرڪوٽ (رپورٽ:ڪانجي مل رکيسر)ڊپٽي ڪمشنر عمرڪوٽ نويد الرحمان لاڙڪ جي صدارت هيٺ ڊسٽرڪٽ ڪوآرڊينيشن ڪميٽي (DCC) جو 18 هون اهم اجلاس ڊپٽي ڪمشنر آفيس جي درٻار حال ۾ منعقد ٿيو. اجلاس ۾ ايس ايس پي عمرڪوٽ سھائي عزيز ٽالپر، اسسٽنٽ ڪمشنر ڪنري محمد خان، اسسٽنٽ ڪمشنر سامارو سنجي ڪمار ترڪيو، اسسٽنٽ ڪمشنر پٿورو غلام علي طارق، مختيار ڪار عمرڪوٽ, چيف آفيسر ضلع ڪائونسل عمرڪوٽ سيد ساجد علي شاھ، چيف ميونسپل آفيسر عمرڪوٽ شريف ناريجو، ڊپٽي ڊائريڪٽر لوڪل گورنمينٽ ھريش چندر، ڊپٽي ڊائريڪٽر وومين ڊيولپمينٽ عمرڪوٽ، ڊسٽرڪٽ اسپورٽس آفيسر عمرڪوٽ، ايڪسي اين حيسڪو علي رضا ڀٽي، ايڪسائيز انسپيڪٽر، ڊپٽي ڊائريڪٽر زراعت عمرڪوٽ، اطلاعات کاتو جي ضلعي آفيسر محمد اسلم ڀٽي، سيڪريٽري آر ٽي اي عرفان الله رند، ڊسٽرڪٽ ليبر آفيسر عمرڪوٽ گلزار احمد آرائين، اسسٽنٽ ڊائريڪٽر منارٽي افيئرس ميرپورخاص سڪندر علي ڪلوئي، سميت مختلف کاتن جا ضلعي آفيسر، حساس ادارن، قانون لاڳو ڪندڙ ادارن جا نمائندا ۽ ٻين لاڳاپيل اختيارين شرڪت ڪئي، اجلاس ۾ صوبائي ايپڪس ڪميٽي ۽ فيڊرل ايپڪس ڪميٽي جي فيصلن تي عملدرآمد جو تفصيلي جائزو ورتو ويو. ان موقعي تي اجلاس کي خطاب ڪندي ڊپٽي ڪمشنر چيو تہ حڪومت سنڌ ۽ وفاقي حڪومت طرفان امن امان جي قيام، دهشتگردي جي خاتمي، اسمگلنگ جي روڪٿام، منشيات جي خاتمي، غيرقانوني رهواسين خلاف ڪارروائي ۽ سرڪاري ملڪيتن جي تحفظ بابت جاري هدايتن تي سختي سان عملدرآمد يقيني بڻايو وڃي، ھن چيو تہ ضلعي اندر قانون تي مڪمل عملدرآمد کي يقيني بڻايو وڃي ڪوتاهي ڪندڙ آفيسرن خلاف ڪارروائي ڪئي ويندي، جڏهن تہ سموري ضلعي ۾ سڪيورٽي جا سخت انتظام ڪيا وڃن، غير قانوني ھلندڙ پيٽرول پمپن خلاف ڪارروائي ۽ ان رپورٽ بابت جائزو ورتو ويو، ڊپٽي ڪمشنر چيو مدرسن جي رجسٽريشن مڪمل ڪئي وڃي جڏهن تہ رجسٽريشن نہ ڪرائيندڙ مدرسن کي سيل ڪيو ويندو، ھن چيو تہ ضلعي ۾ مختلف راندين جا مقابلا ڪرايا وڃن ھن ڊي او اسپورٽس آفيسر کي ھدايت ڪئي تہ ڊسٽرڪٽ ايڊمنسٽريشن ۽ ڊسٽرڪٽ پوليس جو ڪرڪيٽ ميچ ڪرايو وڃي، نارڪوٽڪس کاتي کي ھدايت ڪئي تہ روزانه جي بنياد تي چيگنگ ڪئي وڃي، ڊپٽي ڪمشنر نويد الرحمان چيو تہ لوڪل گورنمينٽ ۽ اسسٽنٽ ڪمشنرز گڏجي ھڪ ڊس انفرميشن مس انفارميشن ء فيڪ نيوز جي آگھائي لاءِ سيمينار ڪرايا وڃن. ڊپٽي ڪمشنر نويد الرحمان لاڙڪ چيو تہ عمرڪوٽ ضلعو امن امان وارو ضلعو آهي مذھبي ھم آھنگي رواداري ۽ ڀائيچاري وارو پيغام ملي ٿو. ان موقعي تي ايڪسي اين حيسڪو علي رضا ڀٽي چيو تہ پوليس ۽ رينجرز جي مدد سان ھڪ ڪروڙ 67 لک ريڪور ڪيا آھن،