دريا خان مري ويجهو سئوٽن ۾ جهيڙي دوران هڪ ڄڻو مبينا قتل

162 views | 22nd May 2026 • سنڌي خبرون

دريا خان مري ويجهو سئوٽن ۾ جهيڙي دوران هڪ ڄڻو مبينا قتل

نوشهروفيروز (ڊ ر)درياخان مري جي ويجهو ڳوٺ تيترِي مائينر ۾ معمولي ڳالهه تان چچازاد ڀائرن ۾ جهيڙو خوني واقعي ۾ تبديل ٿي ويو، جنهن جي نتيجي ۾ هڪ ڄڻو قتل ٿي ويو۔ تفصيل موجب درياخان مري جي نواحِي ڳوٺ تيترِي مائينر ۾ ٻارن جي معمولي ڳالهه تان ٿيل تڪرار دوران اڪبر مري مبينا طور پنهنجي چچازاد ڀاءُ اسلم مري تي فائرنگ ڪري ڏني، جنهن سبب هو موقعي تي ئي فوت ٿي ويو۔ واقعي بعد جوابدار اکبر مري موقعي تان فرار ٿي ويو. اطلاع ملڻ تي درياخان مري پوليس فوري طور واقعي واري هنڌ پهچي لاش پنهنجي تحويل ۾ وٺي رورل هيلٿ سينٽر درياخان مري منتقل ڪيو۔ آخري اطلاعن تائين لاش اسپتال ۾ موجود هو. واقعي بعد علائقي ۾ سوڳ ۽ خوف جي فضا ڇائنجي وئي آهي. پوليس وڌيڪ جاچ شروع ڪري ڇڏي آهي۔