ڊي سي ۽ ڊي آر او ٺٽو سرمد علي ڀاگت جي صدارت هيٺ ضمني چونڊ بابت اجلاس

اجلاس ۾ ڊسٽرڪٽ اليڪشن ڪمشنر ٺٽو حميرا بنت معاذ، اي ڊي سي ٽو وليد ڏاوچ ۽ ٻيا شريڪ

ٺٽو( محمد شفيق ڀٽي) ڊپٽي ڪمشنر ۽ ڊسٽرڪٽ ريٽرننگ آفيسر ٺٽو سرمد علي ڀاگت جي صدارت هيٺ اليڪشن ڪميشن آف پاڪستان طرفان جاري ڪيل شيڊول موجب ضلعي ٺٽي جي مخصوص سيٽن تي بلدياتي ضمني چونڊن جي انعقاد جي سلسلي ۾ هڪ اهم اجلاس منعقد ٿيو۔ اجلاس ۾ ڊسٽرڪٽ اليڪشن ڪمشنر ٺٽو حميرا بنت معاذ، ايڊيشنل ڊپٽي ڪمشنر ٽو وليد ڏاوچ سميت لاڳاپيل ريٽرننگ آفيسرن ۽ اسسٽنٽ ريٽرننگ آفيسرن شرڪت ڪئي۔ان موقعي تي چونڊ شيڊول جي مختلف مرحلن، نامزدگي ڪاغذن جي وصولي، جاچ پڙتال، اميدوارن جي حتمي فهرست جي اشاعت ۽ پولنگ واري ڏينهن جي انتظامن تي تفصيلي غور ڪيو ويو۔ڊپٽي ڪمشنر هدايت ڪئي ته سمورو چونڊ عمل شفاف، منصفاڻو ۽ پرامن بڻائڻ لاءِ سمورا وسيلا ڪتب ۾ آندا وڃن۔هن لاڳاپيل آفيسرن کي هدايت ڪئي ته اليڪشن ڪميشن جي جاري ڪيل هدايتن تي مڪمل عملدرآمد يقيني بڻايو وڃي ۽ ڪنهن به قسم جي غفلت يا لاپرواهي برداشت نه ڪئي ويندي اجلاس ۾ پولنگ اسٽيشنن جي قيام، سيڪيورٽي انتظامن ۽ عملي جي مقرري وارن معاملن جو به جائزو ورتو ويو۔ڊپٽي ڪمشنر چيو ته ضمني بلدياتي چونڊون صاف ۽ شفاف نموني سان مڪمل ڪيون وينديون ۽ ووٽرن کي هر ممڪن سهولتون فراهم ڪيون وينديون۔