سجاول ويجهو سنڌو درياءَ ۾ ٻيڙي اونڌي ٿيڻ سبب وڌيڪ هڪ ڄڻي جو لاش هٿ

ٻن ڏينن جي ڳولا بعد ريسڪيو ٽيم حبيب الله منارو جو لاش هٿ ڪري اسپتال منتقل ڪري ڇڏيو

سجاول (گلشيرميربحر)سجاول ويجهو درياء سنڌ ۾ ٻيڙي سان افسوس ناڪ حادثي جو باب مڪمل ٿي ويو. جتي ٻن ڏينھن ڳولا کان پوء لاپتا چوٿين شخص جو لاش به ڪڍي ورتو تفصيل موجب .سجاول جي ڳوٺ يعقوب منارو جي ويجھو درياء سنڌ ۾ ٻيڙي ڪلٽي ٿيڻ جي واقع ۾ لاپتہ ٿيڻ واري چوٿين شخص جو لاش اڳوڻي ضلع ناظم ۽ پ پ اڳواڻ سيد شفقت شيرازي ۽ پاڪ نيوي جي ڪوشسن سان ٻن ڏينھن جي ڳولا کانپوء ملي ويو. ريسڪيو ذريعن موجب ٻڌي ويل شخص جي سڃاڻپ حبيب الله منارو جي نالي سان ٿي آهي. ان موقعي تي سيد شفقت شاه شيرازي ۽ عملدارن جو چوڻ آهي ته لاپتہ ماڻهن جي ڳولا لاء پاڪ بحريه ۽ مقامي غوطا خورن گڏيل سرچ آپريشن جاري رکيو جڻھن کانپوء آخري لاپتہ شخص جو لاش به درياء مان ڪڍيو ويو آهي. ياد رھي ته گزيل ڏينھن ٻن عورتن سميت ٽن ماڻھن جا لاش ڪڍيا ويا هئا جڏهن ته هي افسوس ناڪ واقعو ٻہ ڏينھن پھرين تيز هوائون جي ڪري ٻيڙي اونڌي ٿيڻ جي نتيجي ۾ پيش آيو هو حادثي وقت ٻيڙي ۾ 16 ماڻھون سوار ھئا جن مان 12 ماڻھون باحفاظت بچايا ويا جڏهن ته چار ماڻھون ٻڌي فوت ٿي ويا ريسڪيو ذريعن موجب متاثر ڪڻڪ جي ڪٽائي کانپوء بنهنجي ڳوٺ واپس اچي رهيا هئا. ۽ فوت ٿيڻ وارن چئن ئي ماڻھن جو تعلق هڪ ئي ڳوٺ يعقوب منارو سان ٻڌايو پيو وڃي. هي افسوس ناڪ واقعو سجاول ويجھو پيش آيو جتي ٻن ڏينھن کان هلندڙ ريسڪيو آپريشن کانپوء سڀني لاپتہ ماڻھن کي ڪڍيو ويو آهي علائقي ۾ ڏک جو ماحول آهي. عملدارن پاران حادثي جي سبب جي تحقيقات جاري آهي