ٺٽي ۾ پيپلز پارٽي پاران 23 مارچ جي حوالي سان ريلي ڪڍي وئي
محسن ھائوس کان پ پ اڳواڻ عاشق زرداري، عبدالحميد پنھور ۽ ٻين جي اڳواڻي ۾ ريلي ڪڍي ويئي
ٺٽو( شفيق ڀٽي)پاڪستان پيپلزپارٽي ضلعي ٺٽي پاران يومِ پاڪستان (23 مارچ) جي موقعي تي هڪ وڏي ريلي محسن ھائوس ٺٽو کان پ پ پ ضلعي اڳواڻ عاشق حسين زرداري، ضلعي ڪائونسل ٺٽي جي چيئرمين عبدالحميد پنھور ۽ ٻين جي اڳواڻي ۽ ڪڍي ويئي، جنھن ۾ ڪارڪنن وڏي انگ ۾ شرڪت ڪئي۔ جنھن ۾ ڪارڪن قومي جهنڊا ۽ پارٽي جا جهنڊا کڻي، "پاڪستان زندہ باد" "پاڪ فوج زندہ آباد" جا فلڪ شگاف نعرا لڳايا ويا، ريلي کي خطاب ڪندي پ پ پ اڳواڻ عاشق حسين زرداري، عبدالحميد پنھور ۽ ٻين چيو ته يومِ پاڪستان اسان کي اتحاد، يڪجهتي ۽ قومي سلامتي جو پيغام ڏئي ٿو۔ هنن چيو ته ملڪ جي سرحدن جي حفاظت لاءِ پاڪ فوج جون قربانيون تاريخ جو اهم باب آهن، جن کي قوم هميشه ياد رکندي. ھنن چيو ته ملڪ کي درپيش چئلينجن کي منهن ڏيڻ لاءِ ضروري آهي ته سموري قوم هڪ پليٽ فارم تي گڏ ٿئي ۽ قومي ادارن سان گڏجي ملڪ جي استحڪام لاءِ ڪردار ادا ڪري۔ هنن زور ڏنو ته نوجوان نسل کي به حب الوطني جي جذبي سان اڳتي وڌي ملڪ جي ترقي ۾ پنهنجو حصو وجهڻ گهرجي۔ ريلي جي پڄاڻي تي پاڪستان جي سلامتي، ترقي ۽ خوشحالي لاءِ خاص دعائون پڻ گهريون ويون، جڏهن ته شرڪت ڪندڙن ملڪ سان وفاداري ۽ اتحاد جو عزم ورجايو۔
0 تبصرے