ابراهيم حيدري جي فيڪٽري مان 72 پورهيت جبري طور برطرف، متاثرن جو احتجاج

خانگي فيڪٽري ٽي ٽي ايم انتظاميا ليبر قانونن کي لتاڙيندي 72 پورهيتن کي بنا ڪنهن اڳواٽ نوٽس جي برطرف ڪري ڇڏيو

ملير (رپورٽ: عبدالرشيد مورجھريو)ابراهيم حيدري ۾ قائم خانگي فيڪٽري ٽي ٽي ايم جي انتظاميا ليبر قانونن کي لتاڙيندي 72 پورهيتن کي بنا ڪنهن اڳواٽ نوٽس جي نوڪرين تان جبري طور برطرف ڪري ڇڏيو، جنهن خلاف پورهيتن سخت احتجاج ڪندي فيڪٽري سامهون مظاهرو ڪري ڌرڻو هنيو احتجاج سبب علائقي ۾ ڇڪتاڻ پيدا ٿي وئي پورهيتن سليمان اقبال، مبشر ناصر سواتي ۽ ٻين جي اڳواڻي ۾ فيڪٽري انتظاميا خلاف سخت نعريبازي ڪئي ان موقعي تي اڳواڻن صحافين سان ڳالهائيندي چيو ته رمضان کان اڳ کين بيروزگار ڪرڻ ظلم، ناانصافي ۽ انساني حقن جي کليل ڀڃڪڙي آهي هنن چيو ته انتظاميا جو هي قدم ليبر قانون، آئين ۽ مزدورن جي بنيادي حقن جي ابتڙ آهي مظاهري ۾ شريڪ پورهيتن جو چوڻ هو ته موجوده مهانگائي جي دور ۾ متبادل روزگار ملڻ انتهائي ڏکيو ٿي پيو آهي، جنهن سبب سندن گهر ڀاتي سخت مالي بحران ۽ ذهني اذيت کي منهن ڏئي رهيا آهن ھنن چيو ته فيڪٽري انتظاميا بنا ڪنهن سبب ٻڌائڻ يا قانوني ڪارروائي جي برطرف ڪري سراسر ناانصافي ڪئي آھي پورهيتن وزيراعليٰ سنڌ، ليبر کاتي ۽ اعليٰ حڪومتي اختيارين کان پرزور مطالبو ڪيو ته ليبر قانون جي کليل ڀڃڪڙي جو فوري نوٽس ورتو وڃي، برطرف ڪيل پورهيتن کي ترت نوڪرين تي بحال ڪيو وڃي، سندن بقايائون ادا ڪيون وڃن ۽ پورهيتن ۾ پکڙيل بيچيني ختم ڪئي وڃي پورهيتن واضح چتاءُ ڏنو ته جيڪڏهن سندن مطالبا تسليم نه ڪيا ويا ته احتجاج جو دائرو شهر جي ٻين علائقن تائين وڌايو ويندو جنهن جي ذميوار فيڪٽري انتظاميا ھوندي