اي ايس پي گمبٽ جي ھنڱورجا ٿاڻي تي کليل ڪچھري، شهرين پاران پوليس خلاف شڪايتون

شھرين اي ايس پي آڏو وڌندڙ بدامني .رشوت خوري.پوليس جي ظلم خلاف شڪايتن جا ڍير لڳائي ڇڏيا

ھڱورجا(رپورٽر)اي ايس پي گمبٽ جي ھنڱورجا ٿاڻي تي کليل ڪچھري شھرين بدامني .رشوت خوري.پوليس جي ظلم خلاف شڪايتن جا ڍير لڳائي ڇڏيا . پوليس جي نفري جي کوٽ جي پڻ شڪايت.پيرسن زال سميت رڙيون ڪندو پھتو.نوجوان ٽڪ ٽاڪر ٻي دانھن کڻي کليل ڪچھري ۾ پھچي ويو . اي ايس پي پاران شڪايتون ٻڌي انھن مان ڪجھ شڪايتن جا ٿڏي تي حڪم جاري ڪيو باقي شڪايتن کي فوري حل ڪرڻ جي جي يقين ڌياني ڪرائي ڇڏي . تفصيل موجب ھنڱورجا ۾ پھريون ڀيرو عوامي شڪايتون ٻڌڻ لاء اي ايس پي گمبٽ عبدالله افضل گجر پاران ٿاڻي تي کليل ڪچھري منعقد ڪئي وئي.کليل ڪچھري ۾ مختلف علائقن کان آيل ماڻھن پوليس جي ظلمن.رشوت خوري.چورين سميت شڪايتن جا ڍير لڳائي ڇڏيا دوڪاندار خادم چانگ شڪايت ڪئي تہ ھٿياربند موٽرسائيڪل ڦر ڪري ويا پوليس سکڻا دلا ڏئي رھي آھي ھڪ پيرسن وزير دايو چيو تہ منھنجي پٽ کي پوليس چوري جي الزام ۾ گرفتار ڪري لاڪ اپ ڪري ڇڏيو آھي رڙيون ڪندو رھان ٿو پر انصاف نه ٿو ڪيو وڃي جنھن تي اي ايس پي معاملي انڪوائري ڪرڻ جو حڪم ڏنو جڏنھن تہ نوجوان ٽڪ ٽاڪر غلام مصطفي سولنگي شڪايت ڪئي ته مون کي گمبٽ جا لوفر ھنڱورجا ۾ اچي دوڪان تي تشدد ڪري ويا آھن پوليس ماڻھو گرفتار نہ ٿي ڪري مون کي موتمار ھاڻي بہ ڌمڪيون ملن ٿيون.اي ايس پي ھنڱورجا ايس ايڇ او جوابدار گرفتار ڪرڻ جو حڪم ڏنو دوڪاندار ايسوسيئيشن جي اڳواڻ روشن شيخ چيو ته 2022 ۾ منھنجي گھر ۾ لکين روپين جو ڌاڙو لڳو جوابدار پوليس اڄ ڏينھن تائين گرفتار ناھن ڪيا.فياض حسين سھتو شڪايت ڪئي تہ موٽرسائيڪل چوري ٿي آھي پوليس رڪور نہ ٿي ڪرائي ڏئي.ان کان سواء ڪجھ ڳوٺاڻن زمين تي قبضي جون شڪايتون پڻ ڪيو ان علاوھ شھرين شڪايت ڪئي تہ شھر ۾ نفري تمام ٿوري آھي ڪيتريون ئي پوليس جون پڪٽون خالي پيل آھن اي ايس پي شڪايتن جو فوري طور ازالو ڪرڻ جي يقين ڌياني ڪرائي ان موقعي تي اي ايس پي عبدالله افضل گجر ميڊيا سان ڳالهائيندي چيو ته بدامني تي ڪنٽرول ڪرڻ ڪرڻ پوليس جي ذميواري ۽ شھرين کي تحفظ فراھم ڪرڻ اسان جو فرض آھي منشيات جي خلاف سخت پاليسي آھي منشيات فروشن خلاف پوليس آپريشن جاري آھي آپريشن کي اڃان بہ وڌيڪ تيز ڪيو ويندو جن شھرين شڪايتون ڪيون آھن ڪجھ ماڻھن جي شڪايتن کي ٿڏي تي حل ڪيو ويو آھي ھن چيو تہ قبيلائي جھيڙا ختم ڪرائڻ ۾ اسان سنجيدگي سان ڪم ڪيون پيا باقي ڏوھارين سان ڪاب رعايت نہ ٿيندي ھن چيو تہ ڏوھاري ڪيترا بہ با اثر ڇون ھجن انھن خلاف ڪاروائي ٿيندي.