عمرڪوٽ پوليس پاران اسماعيل سميجو قتل ڪيس ۾ الهداد سميجو جي گرفتاري ظاهر

زمين جي تڪرار تان اسماعيل کي ڳلو ڪپي قتل ڪندڙ الهداد سميجو کي گرفتار ڪري ورتو آهي: ايس ايس پي عزير ميمڻ

عمرڪوٽ(رپورٽ:ڪانجي مل رکيسر) عمرڪوٽ جي مقتول اسماعيل سميجو جي قتل ۾ ملوث ڄاڻايل جوابدر الھداد سميجو جي پوليس گرفتاري ظاھر ڪري ڇڏي، ايس ايس پي جي پريس ڪانفرنس. خبر موجب عمرڪوٽ شھر جي ڪاروباري علائقي موتي چوڪ لڳ 4 ڏينھن اڳ ۾ ڳلو ڪپڻ سبب مرڻينگ ٿيڻ بعد قتل ٿي ويل نوجوان محمد اسماعيل سميجو واري واقعي تي ايس ايس پي عمرڪوٽ عزير ميمڻ طرفان پريس ڪانفرنس ڪئي ويئي ۽ ڪيس ۾ مقتول جي والد جمال الدين سميجو پاران نامزد ڪيل مقتول محمد اسماعيل جي سئوٽ جوابدار الھداد سميجو جي گرفتاري پڻ پوليس ظاھر ڪري ڇڏي آھي ۽ ميڊيا آڏو پڻ پيش ڪيو ويو پريس ڪانفرنس دوران ڳالھائيندي ايس ايس پي عمرڪوٽ عزيز ميمڻ چيو ته 25 جنوري جي رات جو قتل ٿي ويل اسماعيل سميجو واري واقعي تي وارثن طرفان جوابدارن جي گرفتاري لاء ھئنل ڌرڻي ۾ اسان 5 ڏينھن جي مھلت گُھري ھئي ۽ سندن پاران پڻ جوڙيل ٽيمن ڪامياب ڪاروائي ڪندي مقتول جي قتل ڪيس ۾ نامزد جوابدار الھداد سميجو کي گرفتار ڪيو ويو آھي ايس ايس پي عذير احمد ميمڻ واقعي جي مک جوابدار الهداد سميجو جي گرفتاري شو ڪندي چيو ته پوليس ڪوشش ڪئي ته مقتول کي جلد کان جلد اسپتال منتقل ڪرائي سگھي پر بدقسمتي سان رستي ۾ ئي دم ڏئي ڇڏيو ايڏي وڏي دردناڪ قتل وارو واقعو عمرڪوٽ ۾ ڪڏھن به ناھي ٿيو هن واقعي کان پوءِ عمرڪوٽ جا ماڻھو سخت خوف ۽ ڏھڪا ۾ مبتلا ھئا اسان ھن واقعي بابت جلد کان جلد ڪميٽي تشڪيل ڏني ھئي جنھن ۾ ڊي ايس پي عمرڪوٽ، ايس ايڇ او سٽي عمرڪوٽ، سي آئي اي انچارج، ايس ايڇ او صوفي فقير ۽ آئي ٽي جا ماڻھو شامل ھئا ۽ ھنن جوابدار الھداد سميجو ولد رمضان کي گرفتار ڪرڻ ۾ ڪامياب ٿي ويا آھيون اسان 5 ڏينھن جو وقت گھريو ھو پر اسان ھڪ ئي ڏينھن ۾ جوابدار گرفتار ڪرڻ ۾ ڪامياب ٿي وياسين ھن چيو ته زمين جي معاملي تان تڪرار ھلندڙ ھو جنھن جي وڌيڪ جاچ پوليس ڪري رھي آھي وڌيڪ جاچ ھلي پئي ثبوت ھٿ ڪري جوابدار کي رمانڊ لاءِ پيش ڪيو ويندو.