سنڌ ۾ جاگيرداري، سرداري ۽ وڏيرا شاھي جو نظام چاھي ٿو تہ نياڻيون قيد ھجن ۽ نوجوان اڻ پڙهيل جاهل ھجن: اياز لطيف پليجو

سرداري ۽ جاگيرداري نظام بنيادي انساني حقن جو ڌاڙيل نظام آھي: اياز لطيف پليجو

حيدرآباد(بيورو) الجليل پريميئر جي اسڪول ۽ ڪاليج جي شاگردن جي تقريب کي خطاب ڪندي قومي عوامي تحريڪ جي سربراھ اياز لطيف پليجي خطاب ڪندي چيو تہ شاگردن جو سياست ۾ ڪردار اھم آھي. سنڌ ۾ جاگيرداري، سرداري ۽ وڏيرا شاھي جو نظام چاھي ٿو تہ نياڻيون قيد ھجن ۽ نوجوان اڻ پڙهيل جاهل ھجن انھن جي زندگي غلامن واري ھجي. سرداري ۽ جاگيرداري نظام بنيادي انساني حقن جو ڌاڙيل نظام آھي۔ ظالم سردار ۽ جاگيردار نياڻين جي تعليم آڏو رڪاوٽ آھن اياز لطيف پليجي چيو تہ سنڌ جا نوجوان ميرٽ ذريعي مقابلو ڪري اڳتي اچن. تعليم کانسواءِ اسين اڳتي نٿا وڌي سگھون ۽ سنڌ ترقي نہ ڪندي. پيپلزپارٽي ڪرپشن، اقربا پروري، بدامني لاقانونيت ،منشيات، قبلائيت دھشتگردي، غريب عوام سان ظلم، ڪارپوريٽ فارمينگ ۽ وسيلن جي نيلامي کي جھموريت جو نالو ڏنو آھي اياز لطيف پليجي چيو تہ پيپلزپارٽي جي ڪرپٽ حڪمرانن سنڌ جي ٻيڙي ٻوڙي ڇڏي آهي. تعليمي نصاب ۾ سائنس ۽ تاريخ ناهي. سنڌ جي پرائمري تعليم تباھ آهي سنڌ جي ڳوٺن ۾ ويٺل نوجوان سي ايس ايس ذريعي تعليم جي ميدان ۾ مقابلي لاء اچي رهيا آهن پر پبلڪ سروس ڪميشن ۾ ويٺل ڪرپٽ مافيا ڪروڙين روپيا رشوت وٺي نوڪريون وڪڻي رھي آھي.اياز لطيف پليجي چيو تہ پئسا ٻڏي ويا، اسڪالر شپ ڪون ملي، ھاسٽل مان ڪڍي ڇڏيائون، داخلا رھجي وئي ، سبجيڪٽ ڳولھيو پئي ڪون مليو سبجيڪٽ ٻيو ڪو مليو انٽري ٽيسٽ ۾ مٿيان ڏھ سبجيڪٽ ۾ يارھون مليو جنهن م توهان کي دلچسپي ڪانهي ھر ان مشڪل تي چئو لمبی ہے غم کی شام مگر شام ہی تو ہے ۔ شام تويل آهي پر آھي ته شام پوءِ رات ايندي پوءِ وري صبح ايندو جيڪڏهن سيارو اچي ويو آهي ڇا بھار ھاڻي وڌيڪ پري آهي ڇا سياري کان تہ پوءِ بھار اچڻي آھي