جسقم اڳواڻ ڊاڪٽر انعام سيال جي گلشن حديد ۾ جنازي نماز ادا، هزارين ماڻهو شريڪ

ڊاڪٽر انعام سيال جو مڙهه اسٽيل ٽائون جي قبرستان ۾ مٽيءَ ماءُ حوالي، جسقم چيئرمين صنعان قريشي ۽ ٻيا به موجود هئا

ملير (رپورٽ : عبدالرشيد مورجھريو) جسقم اڳواڻ ڊاڪٽر انعام سيال جي جنازي نماز گلشنِ حديد ۾ ادا ڪئي ويئي جنهن م پارٽي اڳواڻن ڪارڪنن سميت علائقي جي هزارين ماڻهن شرڪت ڪئي مرحوم کي اسٽيل ٽائون جي قبرستان ۾ مٽي ماءُ حوالي ڪيو ويو۔ جنازي ۾ شرڪت ڪندڙن جي اکين ۾ ڳوڙها ۽ ماحول سوڳوار نظر آيو۔جنازي نماز ۽ تدفين جيئي سنڌ قومي محاذ جي چيئرمين صنعان خان قريشي، آڪاش ملاح، تحريڪ انصاف سنڌ جي صدر حليم عادل شيخ، جنرل سيڪريٽري ڊاڪٽر مسرور سيال، جسقم (بشير خان قريشي) جي چيئرمين ڊاڪٽر نياز ڪالاڻي، جسم اڳواڻ نواز شاهه ڀاڏائي، ذوالفقار منگي، لالا غني ميمڻ، سماجي اڳواڻ خدا ڏنو شاه سميت جسقم جا ڪارڪن، اديب، دانشور، ليکڪ ۽ سول سوسائٽي سان تعلق رکندڙ فرد پڻ موجود هئا۔تڏي تي پهتل اڳواڻن ۽ ساٿين ڊاڪٽر انعام سيال جي اڻ مندائتي وڇوڙي کي سنڌ لاءِ وڏو نقصان قرار ڏيندي چيو ته هو هڪ ڀرجهلو، بااصول ۽ متحرڪ سياسي اڳواڻ هئا، جن سڄي زندگي سنڌ جي حقن لاءِ جدوجهد ڪئي۔ هنن چيو ته ڊاڪٽر انعام سيال جو خال ڪڏهن به پُر نٿو ٿي سگهي۔مرحوم جي اوچتي وڇوڙي تي فيملي، دوستن، ساٿين ۽ سنڌي ماڻهن ۾ ڏک ۽ سوڳ ڇانيل اهي