ڊاڪٽر اي ڪيو خان اسڪول سسٽم اينڊ ڪاليج ابراهيم ڪئمپس پاران اسڪالرشپ جو اعلان

سنڌ جي شاگردن کي اسلام آباد جي پرسڪون ماحول ۾ تعليم جون سهولتون ملنديون، زاهد محمود

ڪراچي (اسٽاف رپورٽر) ڊاڪٽر عبدالقدير خان رحمت الله عليه ( محسن پاڪستان) جو مشن ڊاڪٽر اي ڪيو خان اسڪول سسٽم اينڊ ڪاليج ابراهيم ڪيمپس اسلام آباد اسڪالرشپ پروگرام سنڌ 2025 جو اعلان ڪيو ويو آھي. ڊاڪٽر اي ڪيو خان اسڪول سسٽم اينڊ ڪاليج ابراهيم ڪيمپس اسلام آباد جي اسڪالرشپ اسسٽنٽ ڊائريڪٽر زاهد محمود جاري ڪيل بيان ۾ چيو آهي ته سنڌ ڪي سر ڪاري توڙي نجي اسڪولن جي ڇهين، ستين، اٺين ۽ نائين ڪلاسز لاءِ داخلا شروع ڪئي وئي آهي .هن ٻڌايو ته داخلا لاءِ درخواست ڏيڻ جي آخري تاريخ 15 جنوري 2025 آهي.، جڏهن ته داخلا جي اهليت هي آهي ته اسڪول جي سطح تي پنجون، ڇهون، ستون ۽ اٺون ڪلاس پاس آهي ،پبلڪ ۽ سرڪاري اسڪولن جا سمورا شاگرد اهل آهن.زاهد محمود وڌيڪ ٻڌايو ته سليڪشن جو طريقيڪار ايڊميشن اوپن ميرٽ جي بنياد تي ٿيندي. اسڪالرشپ جي اسسٽنٽ ڊائريڪٽر زاهد محمود جو چوڻ آهي ته شاگردن کي ٽيسٽ/انٽرويو ٻنهي مرحلن مان گذرڻو پوندو.لکت ۾ امتحان سنڌ بورڊ/آڪسفورڊ جي سليبس مان ٿيندو. هن ٻڌايو ته ٽيسٽ گائيڊ لائن ويب سائيٽ تان ڊائونلوڊ ڪري سگهجي ٿي.سندس چوڻ هو ته سکر، خيرپور،گهوٽڪي، لاڙڪاڻو، شڪارپور، شهدادڪوٽ، شهيد بينظير آباد، نوشهروفيروز، ميرپورخاص، عمر ڪوٽ، مٺي ۽ حيدرآباد آهن. زاهد محمود چيو ته ادارو تعليمي سرگرمين تي ايندڙ سمورا خرچ جهڙوڪ ايڊميشن فيس، ماهوار فيس، رجسٽريشن فيس، سالياني فيس) پاڻ برداشت ڪندو، هاسٽل سروسز جا خرچ والدين برداشت ڪندا، چونڊيل شاگردن کي ڪتاب ادارو مفت فراهم ڪندو.