اسلام آباد (ویب ڈیسک) اپوزیشن اتحاد تحریکِ تحفظِ آئین پاکستان کے رہنما محمود خان اچکزئی کو قومی اسمبلی میں اپوزیشن لیڈر مقرر کر دیا گیا ہے۔
قومی اسمبلی کے اسپیکر ایاز صادق نے اپوزیشن لیڈر کی تقرری کا نوٹیفکیشن جاری کر دیا، جس کے بعد محمود خان اچکزئی قومی اسمبلی میں قائدِ حزبِ اختلاف بن گئے ہیں۔
نوٹیفکیشن کے مطابق قومی اسمبلی بزنس رولز کے تحت اپوزیشن لیڈر کی تقرری 16 جنوری 2026 سے نافذ العمل ہوگی۔
واضح رہے کہ اپوزیشن لیڈر کا عہدہ 9 مئی کے کیس میں عمر ایوب کی نااہلی کے بعد خالی ہوا تھا۔
پشتونخوا ملی عوامی پارٹی کے سربراہ اور اپوزیشن اتحاد تحریکِ تحفظِ آئین پاکستان کے قائد محمود اچکزئی کو پی ٹی آئی کے بانی عمران خان نے اپوزیشن لیڈر نامزد کیا تھا۔
0 تبصرے