نوشهروفيروز ۾ اسڪارپ ايمپلائيز يونين جو ڌرڻو

ڪروڙين جي بجيٽ ھوندی اسڪارپ کاتی ۾ ڪو به ڪم نه پيو ڪيو وڃي: اڳواڻ

نوشهروفيروز(ڊر) نوشهروفيروز ۾ اسڪارپ ایمپلاٸیز يونين پاران ميرٽ بدران سياسي ڀرتين ۽ اسڪارپ انجنيئر زرغام راجپر جي ڪرپشن خلاف ڊي سي آفيس آڏو احتجاجي مظاهرو ڪيو ويو. ریلی جی اگوانی اقبال احمد لاڙڪ. خادم حسين۔ مری۔ ساگر يوسف منگي۔ علی نواز سولنگی ۽ ٻين چيو ته ڪروڙين جي بجيٽ ھوندی اسڪارپ کاتی ۾ ڪو به ڪم نه پيو ڪيو وڃي، انجنيئر زرغام راڄپر جعلي ووچر ٺاهي پئسا هڙپ ڪري رهيو آهي. افسوس جي ڳالهه اها آهي ته گذريل ڏينهن ٿيل انٽرويو دوران اميدوارن لاءِ پيئڻ جي پاڻي جو به بندوبست نه ڪيو ويو ۽ هو سخت گرمي ۾ اس ۾ بيھی انٽرويو ڏيندا رهيا. ملازمن چيو ته انجنيئر زرغام راڄپر حڪومت پاران جوڙيل ڪميٽي کانسواءِ ڪجهه شرپسندن سان گڏجی غير قانوني انٽرويو ورتا آھن اهي ڪنهن به صورت ۾ برداشت نه ڪيا ويندا. انجنيئر ۽ ڊپٽي ڪمشنر نوشهروفيروز شاهزيب شيخ سياسي پنڊتن جی ونگار وھندی ميرٽ بدران سياسي ڀرتيون ڪرڻ چاهين ٿا. ملازمن سنڌ حڪومت کان مطالبو ڪيو ته ڪرپٽ انجنيئر زرغام راڄپر کي بدلي ڪري ميرٽ تي نوڪريون ڏنيون وڃن ٻي صورت ۾ سڄي سنڌ ۾ ملازمن پاران ڀرپور احتجاج ڪيو ويندو. ٻئي طرف ڪمشنر شهيد بينظير آباد احتجاج واري هنڌ پهچي ملازمن سان ملاقات ڪئي ۽ سمورا خدشا دور ڪرڻ جو يقين ڏياريو.